ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్‌పై ప్రముఖ సినీ నటి జయసుధ ప్రశంసలు కురిపించారు. మీడియా ప్రతినిధులు అడిగిన ప్రశ్నకు సమాధానమిస్తూ, పవన్ కల్యాణ్ వ్యక్తిత్వంలో నటన ఉండదని అన్నారు. ఆయన వైఖరి ఆయనదేనని పేర్కొన్నారు. గతంలో ఎలా ఉన్నారో ఇప్పుడు కూడా ఆయన అలాగే ఉన్నారని వెల్లడించారు. ఆయనలో ఎలాంటి మార్పు లేదని అన్నారు. పవన్ సినిమాల్లో ఎవరికీ తలవంచలేదని అన్నారు. ఇప్పుడు రాజకీయాల్లో కూడా ఎవరికీ తలొగ్గడం లేదని తెలిపారు. పవన్ కల్యాణ్‌కు ఒక ప్రత్యేక శైలి ఉందని, ఆయనకు ఒక మార్గం ఉందని, దాని ప్రకారమే ముందుకు సాగుతారని అన్నారు. లేదంటే ఆయన ఎప్పుడో మధ్యలోనే వదిలి వెళ్లిపోయేవారని అభిప్రాయపడ్డారు. ఆయన పడిన కష్టం, ఆయన వ్యక్తిత్వం ఆయనను ఈ స్థాయికి తీసుకువచ్చిందని కొనియాడారు.