ఓం నమః శివాయ ఈ పదం చాలా సార్లే విని ఉంటాం. వినడమే కాదు రోజులో చాలా సార్లు మన మనసులో అనుకుంటాం. ఈ మంత్రాన్ని జపించడం వల్ల మీ జీవితాన్ని ప్రకాశవంతం చేసుకోవచ్చు.  మంత్రాలు సానుకూలమైన, జీవిత-ధృవీకరణ శక్తి యొక్క విశ్వవ్యాప్తికి మూలం. వాటిని జపించినా లేదా విన్నా కూడా ఎన్నో ప్రయోజనం పొందవచ్చు. అన్ని మంత్రాలలో, 'ఓం నమః శివాయ' అత్యంత శక్తివంతమైన మంత్రం. ఈ మంత్రాన్ని జపించడం వల్ల గాలిని శుద్ధి చేయడంతోపాటు మీ వ్యవస్థలో శక్తి బలపడుతుంది. వేల సంవత్సరాల నుంచి  ప్రజలు ఈ మంత్రాన్ని జపిస్తూనే ఉన్నారు. ఓం నమః శివాయ అని 1008 సార్లు చెప్పడం వల్ల కలిగే ప్రయోజనాలేంటో ఇప్పుడు తెలుసుకుందాం. 

సానుకూల ఆకర్షణ:

ఓం నమః శివాయ..ఈ మంత్రాన్ని జపిస్తే మీలో సానుకూల శక్తిని నింపుతుంది. మీ నుండి చెడు శక్తిని లేదా ప్రతికూల శక్తిని తొలగిస్తుంది. దీంతో మీ ఉన్న ఒత్తిడి, ఆందోళన తగ్గుతుంది. 

ఇంద్రియ నియంత్రణ:

ఓం నమః శివాయ అని జపించడం ద్వారా మీరు మీ ఇంద్రియాలు మీ ఆధీనంలో ఉంటాయి. ఏకాగ్రత పెరుగుతుంది. ఈ మంత్రం మీ ఇంద్రియాలను నియంత్రించడంలో మీకు సహాయం చేస్తుంది. చెడు ఆలోచనలు మనసులో రాకుండా మంచి మార్గంలో పయణించేలా ఈ మంత్రం మీకు సహాయపడుతుంది. 

జీవిత లక్ష్యం వైపు: 

మీరు ఓం నమః శివాయ అని జపించినప్పుడు మీరు జీవితంలో ఒక లక్ష్యం, దిశవైపుగా పయణిస్తారు. మీరు జీవితంలో ఏదైనా సాధించాలనే దృక్పథాన్ని పెంచుకుంటారు. ఈ మంత్రాన్ని పఠించడం జీవిత లక్ష్యాన్ని సాధించడంలో సహాయపడుతుంది.

గ్రహ దోష నిర్మూలన:

గ్రహ వ్యవస్థలో 27 రాశులు, 9 గ్రహాలు ఉన్నాయి. ఓం నమః శివాయ అని పఠించడం వలన దుష్ట గ్రహాల ప్రతికూల ప్రభావాలను కొంత వరకు నిరోధించవచ్చు. ఎందుకంటే శివ తత్త్వమే పాలించే శక్తి ,గ్రహాలను శాసిస్తుంది. ఈ శివ నామస్మరణతో మీ జాతకంలో ఉన్న గ్రహ దోషాలను వదిలించుకోవచ్చు. గ్రహాలు మీ జీవితంపై సానుకూల ప్రభావం చూపుతాయి.

మానసిక ప్రశాంతత :

క్రమం తప్పకుండా ఈ మంత్రం  జపించడం వల్ల  చంచలమైన మనస్సును స్థిరంగా, ప్రశాంతంగా ఉంచడానికి సహాయపడుతుంది. ఈ మంత్రాన్ని పఠించడం వలన భక్తుడు జీవితంలో విజయం, ఎదుగుదల కొరకు మహా శివుడి ఆశీస్సులు పొందటానికి సహాయపడుతుంది.

ఇది కూడా చదవండి: ఈ ఒక్క జ్యూస్..యూరిక్ యాసిడ్ సమస్యకు చెక్ పెడుతుంది..!