Anant Ambani - Radhika Merchant Marriage : రిలయన్స్ అధినే ముకేశ్ అంబానీ చిన్న కొడుకు అనంత్ అంబానీ పెళ్లి వేడుక అంగరంగ వైభవంగా జరిగింది. కొన్ని నెలలుగా కొనసాగుతున్న ఈ వేడుక.. శుక్రవారం ముంబైలోని బాంద్రా కుర్లా కాంప్లెక్స్ - జియో వరల్డ్ కన్వెన్షన్ సెంటర్‌లో రాధిక మర్చంట్ మెడలో అనంత్ అంబానీ మూడు ముళ్లు వేయడంతో పెళ్లి తంతు పూర్తయ్యింది. ముంబైలో జరిగిన ఈ వేడుకకు రాజకీయ, సినీ, క్రీడా రంగాలకు చెందిన ప్రముఖులు హాజరై వధూవరులను ఆశీర్వదించారు. యావత్తు సినీ, క్రీడాలోకం వీరి పెళ్లిలో సందడి చేశారు. ఈ నేపథ్యంలో బాలీవుడ్ నటులతో పాటు తన దగ్గరి అత్యంత ఆప్తులకు రూ.2 కోట్ల విలువైన లగ్జరీ వాచ్‌లను అనంత్ అంబానీ గిఫ్ట్‌గా ఇచ్చాడు. ఆ వాచ్ Audemars Piguet Royal Oak Perpetual Calendar లిమిటెడ్ ఎడిషన్ వాచ్ అని తెలుస్తోంది. పలువురు ఆ వాచీలు ధరించి దిగిన ఫొటో ప్రస్తుతం నెట్టింట్లో వైరల్ అవుతోంది. ఆ వాచీలను ధరించి సల్మాన్ ఖాన్, షారూక్ ఖాన్, రణ్‌వీర్ సింగ్ తదితరులు ఫొటోలను పోజులిచ్చారు.

41 ఎంఎం 18కే రోజ్ గోల్డ్ డయల్ కలర్, డార్క్ బ్లూ సబ్ డయల్స్, 20 మీటర్ వాటర్ రెసిస్టెన్స్ కలిగిన ఈ వాచీ రిటైల్ ధర 1,05,000 డాలర్లు (87,69,000 రూపాయలు) కాగా, మార్కెట్ ధర 2,50,000 డాలర్లు (2,08,79,000 రూపాయలు). మొత్తంగా 25 వాచీలను అనంత్ అంబానీ కొనుగోలు చేసినట్లు తెలిసింది. కాగా, ఈ ఖరీదైన వాచీ బహుమతి గురించి నెట్టింట్లో జోకులు పేలుతున్నాయి. భారత్ పేద దేశం అన్నవాళ్లంతా.. ఈ గిఫ్ట్‌ను మక్కున వేలేసుకుంటారని కామెంట్లు పెడుతున్నారు. ఉంటే.. అనంత్ అంబానీ లాంటి ఫ్రెండ్స్ ఉండాలి అని పోస్టులు చేస్తున్నారు.

Anant Ambani has gifted all his special friends an Audemars Piguet Royal Oak Perpetual Calendar limited edition watch. Market price - 2 crore ?? pic.twitter.com/Jzm7zKO6eT

— Pakchikpak Raja Babu (@HaramiParindey) July 13, 2024