ఆఫ్ఘనిస్తాన్ జట్టు చరిత్ర సృష్టించింది. ఎమర్జింగ్ టీం ఆసియా కప్ ఫైనల్లో శ్రీలంక జట్టును చిత్తు చేసి తొలిసారి ఛాంపియన్ గా అవతరించింది. ఇప్పటివరకు ఈ కప్పును టీమిండియా ఒకసారి గొలుచుకోగా పాక్, శ్రీలంక జట్లు రెండేసి సార్లు కైవసం చేసుకున్నాయి. తొలిసారి ఆఫ్ఘనిస్తాన్ జట్టు ఈ టైటిల్ ను దక్కించుకొని చరిత్ర సృష్టించింది. ఒమన్ వేదికగా ఆల్ ఎమిరేట్స్ మైదానంలో శ్రీలంక ఏ, ఆఫ్ఘనిస్తాన్ ఏ జట్ల మధ్య ఫైనల్ మ్యాచ్ జరిగింది. ఈ మ్యాచ్లో తొలుత బ్యాటింగ్ చేసిన శ్రీలంక జట్టు నిర్ణీత 20 ఓవర్లలో ఏడు వికెట్ల నష్టానికి 133 పరుగులు మాత్రమే చేసింది. ఆఫ్ఘనిస్తాన్ బౌలర్లు కట్టుదిట్టంగా బౌలింగ్ చేయడంతో శ్రీలంక బ్యాటర్లు ఇబ్బంది పడ్డారు. శ్రీలంక బ్యాటర్ల నుంచి జట్టుకు శుభారంభాలు లభించకపోవడంతో ఆశించిన స్థాయిలో స్కోర్ చేయలేకపోయింది. కేవలం 15 పరుగులకే ఆ జట్టు నాలుగు వికెట్లు కోల్పోయి పేకల్లోతు కష్టాలు పడింది. ఆ తరువాత వచ్చిన సహన్ అరాచీ జట్టుకు ముఖ్యమైన ఇన్నింగ్స్ ఆడి అర్థ సెంచరీతో రాణించాడు. అతడికి జట్టులోను ఇతర బ్యాటర్ల నుంచి సహకారం లభించలేదు. పవన్ రత్నాయక్ 20 పరుగులు చేయగా, లోయర్ ఆర్డర్ బ్యాట్స్మెన్ ఇమేజ్ కూడా 19 బంతుల్లో ఒక సిక్స్, ఒక బౌండరీ సహాయంతో 23 పురుగులతో ముఖ్యమైన ఇన్నింగ్స్ ఆడాడు. సహన్ అద్భుత బ్యాటింగ్ ప్రదర్శనతో 47 బంతుల్లో ఆరు బౌండరీలు సహాయంతో 64 పరుగులు చేసి జట్టుకు నామమాత్రపు స్కోరును అందించడంలో కీలకపాత్ర పోషించాడు.

ఆఫ్ఘనిస్తాన్ బౌలర్లలో బిలాల్ సమీ మూడు వికెట్ల తీయగా, అల్లా గజన్ ఫర్ రెండు వికెట్లు పడగొట్టాడు. స్వల్ప లక్ష్యాన్ని చేరుకునేందుకు ఆహ్వానిస్తాన్ జట్టు తొలుత తడబడినట్లు కనిపించిన మెల్లగా కుదురుకొని లక్ష్యాన్ని చేరుకుంది. చేజింగ్ కు దిగిన ఆఫ్ఘనిస్తాన్ జట్టుకు శ్రీలంక జట్టు షాక్ ఇచ్చింది. రెండో ఇన్నింగ్స్ తొలి బంతికే ఓపెనర్ జుబబైద్ అక్బరీ ఖాతా తెరవకుండానే పెవిలియన్ బాట పట్టాడు. ఆ తరువాత చెడుకుల్లా అటల్, కెప్టెన్ దర్వీస్ రసూల్ రెండో వికెట్ కు 42 పరుగులు జోడించారు. సాఫీగా ఈ జోడి విజయం వైపు ఆఫ్ఘనిస్తాన్ జట్టును తీసుకు వెళుతున్న క్రమంలో కెప్టెన్ రసూలీ 20 బంతుల్లో 24 పరుగులు చేసి రెండో వికెట్ గా వెనుతిరిగాడు. నాలుగో స్థానంలో వచ్చిన కరీం జనత్ 27 బంతుల్లో మూడు భారీ శిక్షల సహాయంతో 33 పరుగులు చేసి పెవిలియన్ చేరాడు. అయితే జట్టుకు విజయాన్ని అందించేంతవరకు సేడికుల్లా అటల్ 55 బంతుల్లో మూడు ఫోర్లు, ఒక సిక్సర్ సహాయంతో అజయ్యంగా 55 పరుగులు చేసి జట్టుకు విజయాన్ని అందించి పెట్టాడు. ఆఖరిలో కేవలం ఆరు బంతుల్లో 16 పరుగులు చేసి మహమ్మద్ ఇషాక్ కూడా జట్టు విజయానికి కారణమయ్యాడు. దీంతో ఆఫ్గనిస్తాన్ జట్టు మరో 11 బంతులు మిగిలి ఉండగానే ఏడు వికెట్ల తేడాతో విజయాన్ని నమోదు చేసి రికార్డు సృష్టించింది. తొలిసారి ఆఫ్ఘనిస్తాన్ జట్టు ఎమర్జింగ్ టీం ఆసియా కప్ ను సాధించినట్లు అయింది. ప్లేయర్ ఆఫ్ ది మ్యాచ్ గా అటల్ నిలువగా, ప్లేయర్ ఆఫ్ ది సిరీస్ గా అల్లా గంజ్ ఫర్ నిలిచారు. ఫైనల్ మ్యాచ్లో శ్రీలంక బౌలర్లలో  సహన్, దుసాన్ హేమంత, ఈసా మలింగ ఒక్కో వికెట్ పడగొట్టారు.