||రాహుల్ గాంధీపై అనర్హత వేటు||

ఈవార్తలు, నేషనల్ న్యూస్: కాంగ్రెస్ మాజీ అధ్యక్షుడు, వయనాడ్ ఎంపీ రాహుల్ గాంధీపై లోక్ సభ అనర్హత వేటు వేసింది. మోదీ పరువునష్టం దావా కేసులో సూరత్ కోర్టు ఆయనను దోషిగా నిర్ధారిస్తూ, రెండేళ్ల జైలు శిక్ష విధించింది. ఈ నేపథ్యంలో లోక్ సభ నుంచి ఎంపీగా ఆయనను తొలగిస్తూ లోక్ సభ సెక్రటేరియట్ ఉత్తర్వులు జారీ చేసింది. చట్ట ప్రకారం.. ఒక ప్రజాప్రతినిధి ఏదేని కేసులో దోషిగా తేలి, రెండేళ్లు, అంతకంటే ఎక్కువ కాలం పాటు జైలు శిక్ష పడితే ఆయన ఆ పదవికి అనర్హుడు అవుతాడు. తాజాగా, రాహుల్ గాంధీకి రెండేళ్ల జైలు శిక్ష పడటంతో ఆయనపై అనర్హత వేటు వేస్తూ లోక్ సభ స్పీకర్ నిర్ణయం తీసుకున్నారు.