వేసవిలో ఎక్కువగా పండ్లను ఆహారంగా తీసుకుంటారు. నీళ్లు ఎక్కువగా తాగుతారు. అయితే, అన్నింటికన్నా కీరదోస వేసవిలో శరీరానికి చాలా అవసరం. ఎందుకంటే ఇది దాహాన్ని తీర్చి శరీరాన్ని చల్లబరుస్తుంది. కీరదోసకాయలో ఎన్నో రకాల పోషకాలు ఉంటాయి. కీరదోసకాయలో బీటా-కెరోటిన్, ఫిసెటిన్, కుకుర్బిటాసిన్లు వంటి అనేక రకాల యాంటీఆక్సిడెంట్లు ఉంటాయి. కీరదోస తినడం వల్ల శరీరంలోని ఎన్నో సమస్యలు దూరమవుతాయి. కీరదోసలో విటమిన్ ఎ, విటమిన్ సి, విటమిన్ కె, మెగ్నిషియం, పొటాషియం, కాపర్ సమృద్ధిగా ఉంటాయి. ఈ పోషకాలు అనేక వ్యాధులను తగ్గిస్తాయి. కీరలోని పోషకాలు కణజాలాలను బలోపేతం చేయడంలో ముఖ్యపాత్ర వహిస్తాయి. సాధారణంగా దోసకాయను సలాడ్ రూపంలో తీసుకుంటాం. ముఖ్యంగా వేసవిలో కీరదోసను ఎక్కువగా తింటుంటాం. వేసవిలో తినడం వల్ల శరీరాన్ని డీహైడ్రేట్ నుండి రక్షిస్తుంది. కీరదోసకాయ రసాన్ని తాగడం వల్ల శరీర ఉష్ణోగ్రత అదుపులో ఉంటుంది. వేసవితో పాటు శీతాకాలంలో కుడా కీరదోసను తినడం శరీరానికి ఎంతో మంచిదని వైద్య నిపుణులు చెబుతున్నారు. చల్లని వాతావరణంలో కీరదోసకాయను తినడం వల్ల అనేక రకాల ప్రయోజనాలను శరీరానికి అందిస్తుంది.

కీరదోస కాయను రోజూ ఆహారంతో పాటుగా తీసుకోవడం వల్ల కడుపులోని వేడిని తగ్గించడానికి సహయపడుతుంది. పొట్టను చల్లగా ఉంచేలా చేస్తుంది. కీరదోసలో కరిగే ఫైబర్ ఉంటుంది. ఇది జీర్ణక్రయను మెరుగుపరుస్తుంది. కీరదోసకాయలో ఉండే ఫైబర్ జీర్ణక్రియను మెరుగుపరుస్తుంది, మలబద్ధకాన్ని నివారిస్తుంది. కీరదోసలో నీటి శాతం ఎక్కువగా ఉంటుంది కాబట్టి దీనిని తినడం వల్ల మలబద్ధకం నుంచి ఉపశమనం పొందడంలో సహాయపడుతుంది. కీరదోస పేగు కదలికలను మెరుగుపరుస్తుంది. కీరదోసను జ్యూస్‌గా చేసుకుని తాగడం వల్ల కడుపులో పుండ్లు రాకుండా ఉంటాయి. కీరదోసకాయలో 95 శాతం నీరు ఉంటుంది. ఇది వేసవిలో శరీరానికి తగినంత నీరు అందించడానికి సహాయపడుతుంది. కీరదోస కాయలో విటమిన్ కె పుష్కలంగా ఉంటుంది. ఇది ఎముకల ఆరోగ్యానికి చాలా ముఖ్యం. 

కీరదోసను తినడమే కాకుండా చర్మ కాంతికి ఫేస్‌ప్యాక్‌లా కుడా వాడుతుంటారు. కీరదోసకాయలో ఉండే యాంటిఆక్సిడెంట్లు చర్మాన్ని కాపాడి, ప్రకాశవంతంగా ఉండేలా చేస్తాయి. కీరదోసకాయను ఫేస్‌ప్యాక్‌లా వాడకున్నా, రోజూ తినడం వల్ల కుడా చర్మం కాంతివంతంగా మెరుస్తుంది. 

కీరదోసకాయలో ఉండే పొటాషియం రక్తపోటును నియంత్రించడంలో సహాయపడుతుంది. గుండె సమస్యతో భాధ పడుతున్నవారు కీరదోసకాయను వారి రోజు ఆహారంలో చేర్చుకోవడం మంచిది. ఇది గుండెపోటు సమస్యను తగ్గిస్తుంది. కీరదోసను తినడం వల్ల అధికరక్తపోటు ఉండదు. శరీరంలో రక్తాన్ని శుద్ధి చేయడంలో ముఖ్యపాత్ర వహిస్తుంది. బరువు తగ్గించే గుణాలు కుడా కీరదోసలో పుస్కలంగా ఉంటాయి. డైట్‌ చేసేవారు సలాడ్ రూపంలో దీనిని తినడం మంచిది. అలాగే కీరదోసకాయలో ఉండే విటమిన్ బి తలనొప్పిని తగ్గించడంలో సహాయపడుతుంది. కీరదోసకాయలో ఉండే పీచు పదార్థం నోటి దుర్వాసనను పోగొట్టి తాజా శ్వాసను అందించడంలో బాగా ఉపయోగపడుతుంది.