ప్రస్తుతం దేశంలో కొత్త వైరస్ చర్చనీయాంశమైంది. గత 5 రోజుల్లో గుజరాత్‌లో 6 మంది చిన్నారుల మరణానికి చాందీపూర్ వైరస్ కారణమని చెబుతున్నారు. జాగ్రత్తగా ఉండాలని వైద్యులు సూచిస్తున్నారు. అసలు చండీపూర్ వైరస్ అంటే ఏమిటి? దాని లక్షణాలు ఎలా ఉంటాయో తెలుసుకుందాం. 

చండీపూర్ వైరస్ అంటే ఏమిటి?

చండీపూర్‌ వైరస్‌ తొలిసారిగా 1965లో మహారాష్ట్రలో కనిపించింది. గుజరాత్‌లో ప్రతి సంవత్సరం ఈ వైరస్ కేసులు నమోదవుతున్నాయి. ఈ వైరస్ బాకులోవైరస్కి సంబంధించినది. అంటే దోమలు, ఇసుక ఈగలు వంటి వాహకాలు కుట్టడం ద్వారా ఇది వ్యాపిస్తుంది.ఈ వైరస్ జ్వరం, మెదడు వాపుకు కారణమవుతుంది. ఇది ప్రధానంగా 9 నెలల నుండి 14 సంవత్సరాల వయస్సు గల పిల్లలను ప్రభావితం చేస్తుంది. గ్రామీణ ప్రాంతాల్లో ఇది ఎక్కువగా కనిపిస్తుంది. కాబట్టి ప్రజలు జాగ్రత్తగా ఉండాలని వైద్యులు చెబుతున్నారు. 

లక్షణాలు:

-తలనొప్పి

- జ్వరం

-వాంతులు 

-మూర్ఛలు

-గందరగోళం, అయోమయం

-కోమా

-అతిసారం

-ప్రవర్తనలో మార్పు

ఎలా చికిత్స చేయాలి?

-ప్రస్తుతం, చండీపురా వైరస్ సంక్రమణతో పోరాడటానికి నిర్దిష్ట యాంటీవైరల్ చికిత్స లేదు.

-వ్యాధి రోగలక్షణంగా, సహాయక సంరక్షణతో చికిత్స పొందవచ్చు. 

-తీవ్రమైన లక్షణాలు  కనిపిస్తే వైద్యుడిని సంప్రదించండి.

-వాంతులు మరియు జ్వరం నిర్జలీకరణానికి దారితీయవచ్చు. ఎక్కువగా జ్యూసులు తీసుకోవాలి.