ఈ మధ్యకాలంలో బరువు తగ్గేందుకు ఎక్కువమంది ఎంచుకుంటున్న మార్గం వాకింగ్. ప్రతిరోజు ఉదయం, సాయంత్రం వేళల్లో వాకింగ్ కు వెళుతుంటారు. కొన్ని నెలల నుంచి వాకింగ్ కు వెళుతున్న బరువు మాత్రం తగ్గడం లేదని ఎక్కువమంది చెబుతుంటారు. అయితే ఏదో వెళుతున్న నడుస్తున్నాం అన్నట్టుగా కాకుండా.. ఒక పద్ధతి పాటిస్తే బరువు తగ్గేందుకు అవకాశం ఉంటుందని నిపుణులు చెబుతున్నారు. బరువు తగ్గేందుకు ప్రతిరోజు కొంత దూరం నడవాలని సూచిస్తున్నారు. రోజు వాకింగ్ చేయడం ద్వారా బరువు తగ్గించుకోవచ్చు. అందరూ చేయగలిగే వాకింగ్ వల్ల ఆరోగ్యం ఎంతో మెరుగుపడుతుంది. ప్రతిరోజు వాకింగ్ చేయడం వల్ల ఎన్నో లాభాలు ఉంటాయి. దీర్ఘకాలంలో ఎంతో మేలు జరుగుతుందని నిపుణులు చెబుతున్నారు. అయితే రోజుకు ఎంత దూరం నడిస్తే వేగంగా బరువు తగ్గుతారు.. బరువు తగ్గేందుకు వాకింగ్ ఫార్ములా ఎలా ఉండాలి అన్న విషయాలను ఇప్పుడు తెలుసుకుందాం. 

రోజువారి వాకింగ్ కు వెళ్లేవాళ్లు తప్పనిసరిగా అరగంట సేపు నడవాలి. ప్రతి 10 లేదు 15 నిమిషాలకు ఒకసారి బ్రేక్ తీసుకోవచ్చు. వాకింగ్ చేసే సమయంలో తగినంత నీరు తాగాలని గుర్తించుకోవాలి. శరీరం హైడ్రేట్ అవ్వడం చాలా ముఖ్యం. తొలిసారి వాకింగ్ చేసేవారు మరిన్ని జాగ్రత్తలు తీసుకోవాలి. ఒక్కసారే ఎక్కువ దూరం నడవడం వల్ల ఇబ్బందులు ఎదురవుతాయి. నెమ్మది నెమ్మదిగా దూరాన్ని, సమయాన్ని పెంచుకుంటూ వెళ్లాలి. లేకపోతే మొదటిరోజు అతిగా నడిస్తే రెండో రోజు నడవడం కష్టం అవుతుంది. దీనివల్ల వాకింగ్ కు వెళ్లాలన్న ఆసక్తి తగ్గుతుంది. నడకను ఒకరోజు కంటే ఎక్కువ రోజులు వాయిదా వేయడం మంచిది కాదు. ఒక్కరోజు కూడా గ్యాప్ ఇవ్వకుండా నడవడం చాలా మంచిది. దీనివల్ల క్యాలరీలో కరగడమే కాకుండా శరీర జీవక్రియ మెరుగుపడుతుంది. బయటకు వెళ్లి వాకింగ్ కుదరకపోతే ఇంట్లోనే చిన్నపాటి వ్యాయామమైనా చేయాలి. ఈ జాగ్రత్తలను పాటించడం ద్వారా బరువు తగ్గించుకునేందుకు అవకాశం ఉంటుంది. వ్యాయామం చేసే వాళ్ళు ఆహార నియమాలు పాటించాలి. రైస్ తగ్గించుకోవడం చాలా ముఖ్యం. రాత్రి వేళల్లో భోజనం వీలైనంత తక్కువ తినాలి. దీనివల్ల కొద్దిరోజుల్లోనే బరువు తగ్గేందుకు అవకాశం ఉంటుందని నిపుణులు సూచిస్తున్నారు. బరువు తగ్గాలనుకునేవారు ఈ నియమాలను తప్పనిసరిగా పాటించాలి. కొన్నిసార్లు వారం పది రోజులు వాకింగ్ కు వెళ్లి బరువు తగ్గడం లేదని చాలామంది మానేస్తుంటారు. అయితే ఇది మంచి పద్ధతి కాదు. కనీసం 45 రోజులపాటు వాకింగ్ చేయడం ద్వారా బరువులో కొంతైనా మార్పు కనిపిస్తుంది. అది కూడా కనీసం 20 నుంచి 30 నిమిషాల పాటు వాకింగ్ కు కేటాయించాలి. వాకింగ్కు వెళ్ళాం, వచ్చామని చందంగా కాకుండా ఎక్కువ సమయాన్ని మైదానంలో కేటాయించడం వల్ల మంచి ఫలితం ఉంటుందని నిపుణులు సూచిస్తున్నారు.