ఉదయం లేవగానే టీ తాగడం అనేది చాలామందికి అలవాటు. అయితే టీతో పాటు కొన్ని రకాల ఆహార పదార్థాలను తీసుకుంటే ప్రమాదమని వైద్య నిపుణులు హెచ్చరిస్తున్నారు. అవును మీరు వింటున్నది నిజమే టీతోపాటు కొన్ని రకాల ఆహార పదార్థాలను తీసుకున్నట్లయితే కాలేయం సైతం దెబ్బతినే అవకాశం ఉందని వైద్య నిపుణులు హెచ్చరిస్తున్నారు.  అలాంటి ఆహార పదార్థాలు ఏంటో ఇప్పుడు తెలుసుకునే ప్రయత్నం చేద్దాం.  తద్వారా మీరు కూడా టీ తాగేటప్పుడు ఇలాంటి ఆహార పదార్థాలను తినకుండా ముందే జాగ్రత్త పడతారు.  

ఉప్పు అధికంగా ఉండే ఆహారాలు:

ఉప్పులో సోడియం ఉంటుంది. సోడియం , టీ కలపడం కాలేయ ఆరోగ్యానికి హానికరం. ఉప్పు ఎక్కువగా తినడం వల్ల శరీరంలో నీరు నిల్వ అవుతుంది. జంక్ ఫుడ్స్ లో సోడియం ఎక్కువగా ఉంటుంది. మీరు టీతో పాటు చిప్స్, మిక్సర్, సాల్ట్ బిస్కెట్లు వంటి ప్యాక్డ్ సాల్టీ ఫుడ్స్ తింటే, ఫ్యాటీ లివర్, ఊబకాయం వచ్చే అవకాశాలు పెరుగుతాయి.

ఫ్రెంచ్ ఫ్రైస్‌తో టీ: ఫ్రెంచ్ ఫ్రైస్, వేఫర్లు, బర్గర్లు, పిజ్జాలు వంటి వాటితో టీ తీసుకోవడం కాలేయానికి హానికరం. ఈ ఆహారాలలో ట్రాన్స్ ఫ్యాట్ పుష్కలంగా ఉంటాయి, ఇవి జీర్ణం కావడం కష్టం. కాలేయానికి హాని కలిగించే ఈ ఆహారాలను ప్రాసెస్ చేయడానికి మీ కాలేయం చాలా కష్టపడాలి.

ఆకు కూరలు స్నాక్స్: టీతో పాటు ఆకు కూరగాయలతో చేసిన ఆహారాన్ని తీసుకోవడం వల్ల ఎసిడిటీ వంటి సమస్యలు వస్తాయి. ఆకు కూరల్లో ఉండే పదార్థాలు, టీతో కలిస్తే  రెండూ ఒకదానితో ఒకటి ప్రతిస్పందిస్తాయి, వాటిని జీర్ణం చేయడం జీర్ణ వ్యవస్థకు కష్టతరం చేస్తాయి,  చెడు కొవ్వులు కాలేయానికి అంటుకుని, ఫ్యాటీ లివర్ సమస్యలను కలిగిస్తాయి.

బ్రెడ్ టీ: టీతో పాటు బ్రెడ్ వంటి పిండి పదార్ధాలను తినడం మానుకోండి. పిండిలో గ్లూటెన్ అనే పదార్థం ఉంటుంది. టీలో మైదా కలుపుకోవడం వల్ల బ్లడ్ షుగర్ పెరగడమే కాకుండా ఫ్యాటీ లివర్ సమస్యలు కూడా వస్తాయి.