గడచిన కొన్నాళ్లుగా లివర్ సంబంధిత సమస్యల బారిన పడుతున్న వారి సంఖ్య పెరుగుతోంది. సాధారణంగా లివర్ సంబంధిత సమస్యల గురించి మాట్లాడేటప్పుడు ఎక్కువ మంది మద్యం అలవాటు ఉన్నవారికి ఈ సమస్య వస్తుంది అనే భావిస్తుంటారు. నాన్ ఆల్కహాలిక్ అలవాట్లు కూడా లివర్ బారిన పడేందుకు కారణమవుతాయని నిపుణులు హెచ్చరిస్తున్నారు. కాబట్టి అటువంటి వాటి పట్ల అప్రమత్తంగా ఉండాలని సూచిస్తున్నారు. శరీరంలో అతి ముఖ్యమైన భాగాల్లో కాలేయం ఒకటి. ఇది అనేక పనులను చేస్తుంది. కాలేయం ప్రధాన విధుల్లో రక్తాన్ని ఫిల్టర్ చేయడం ఒకటి. రక్తం నుంచి హానికరమైన పదార్థాలను తొలగించడం, పైత్యరసం అనే ద్రవాన్ని ఉత్పత్తి చేయడం, ఆహారాన్ని జీర్ణం చేయడం వంటి పనులు చేస్తుంది. కాలేయం చెడిపోతే ఆ వ్యక్తి అనేక సమస్యలను ఎదుర్కోవాల్సి వస్తుంది. లివర్ దెబ్బతింటే ఆకలి లేకపోవడం, అలసట, కామెర్లు, జ్వరం, కడుపు నొప్పి వంటి సమస్యలు వస్తాయి. ఈ రోజుల్లో చాలామందికి లివర్ సమస్యలు పెరుగుతున్నాయి. వీటికి అనేక అంశాలు కారణమవుతున్నట్లు చెబుతున్నారు. తినే ఆహార పదార్థాలు, తాగే నీళ్లు కూడా కాలేయం ఆరోగ్యాన్ని దెబ్బతీస్తాయి.

ప్రస్తుత జీవన విధానంలో ఏది పడితే అది తింటూ పొట్టను చెత్త కుప్పలా మార్చుకుంటున్న వారికి ఇది ప్రమాదకరమైన హెచ్చరికగానే భావించాల్సి ఉంటుంది. కలుషితమైన నీటిని తాగే వారికి కూడా లివర్ సంబంధిత సమస్యలు ఇబ్బంది పెట్టే అవకాశం ఉంది. దీనివల్ల మనకు తెలియకుండానే కాలేయ ఆరోగ్యం దెబ్బతింటుందని నిపుణులు హెచ్చరిస్తున్నారు. ముఖ్యంగా హేపటైటిస్ ఏ, హెపటైటిస్ బి, హెపటైటిస్ సి వైరల్ ఇన్ఫెక్షన్లు, బలహీనమైన రోగ నిరోధక వ్యవస్థ, జన్యుపరమైన సమస్యలతో వారసత్వంగా వచ్చే కొన్ని రకాల వ్యాధులు, హిమోక్రోమాటోసిస్ వంటి వ్యాధులు వల్ల కూడా కాలేజి సంబంధిత సమస్యలు వస్తాయి అని నిపుణులు చెబుతున్నారు. కొన్ని సందర్భాల్లో కార్యాలయంలో అసాధారణ కణాలు పెరిగి కణితులుగా మారి లివర్ క్యాన్సర్ బారిన పడేలా చేస్తాయి. అందుకే ఆహారం, తాగే నీటి విషయంలో జాగ్రత్తలు పాటించాలని నిపుణులు సూచిస్తున్నారు. 

గడిచిన కొన్నాళ్లుగా లివర్ క్యాన్సర్ బారిన పడుతున్న వారి సంఖ్య పెరుగుతుంది. దీనికి అనేక అంశాలు దోహదం చేస్తున్నాయి. కాబట్టి వీటి విషయంలో తగిన జాగ్రత్తలు తీసుకోవాలని నిపుణులు సూచిస్తున్నారు. పోషకాలతో కూడిన ఆహారం తీసుకోవడం, బయట ఆహారానికి దూరంగా ఉండడం, పరిశుభ్రమైన నీటిని తాగడం వల్ల కొన్ని రకాల ఇన్ఫెక్షన్లకు దూరంగా ఉండేందుకు అవకాశం ఉంటుంది. తద్వారా లివర్ సంబంధిత సమస్యల బారిన పడకుండా ఉండవచ్చని నిపుణులు సూచిస్తున్నారు. ఈ విషయంలో తగిన జాగ్రత్తలు తీసుకోవాలని నిపుణులు సూచిస్తున్నారు.