మనం ఆరోగ్యంగా ఉండాలంటే సమతుల్య ఆహారం తీసుకోవాలి. ఆహారంతోపాటు వ్యాయామం, నడక ఇవన్నీ కూడా మేలు చేస్తాయి. చాలా మంది ఉదయం, సాయంత్రం వాకింగ్ చేస్తుంటారు. ఇది మీ శరీరానికి ఎన్నో ప్రయోజనాలను అందిస్తుంది. అయితే రివర్స్ వాకింగ్ వల్ల ఆరోగ్యానికి ఎలాంటి ప్రయోజనాలున్నాయో మీకు తెలుసా? ఈ రోజుల్లో ప్రజలలో రివర్స్ వాకింగ్ ట్రెండ్ మొదలైంది. రివర్స్ వాకింగ్ వల్ల ఏదైనా ఆరోగ్య ప్రయోజనాలు ఉన్నాయా? మీరు వెనుకకు నడిస్తే ఎలాంటి ప్రయోజనాలు పొందవచ్చో తెలుసుకుందాం. 

ఆరోగ్య నిపుణులు తెలిపిన వివరాల ప్రకారం.. రివర్స్ వాకింగ్ అనేక ఆరోగ్య ప్రయోజనాలను కలిగి ఉంది. ఈ ట్రెండ్ ఈ రోజుల్లో ప్రజలలో పెరగడమే కాకుండా అనేక ఆరోగ్య ప్రయోజనాలను అందిస్తుంది. ఈ అసాధారణ వ్యాయామం మీ శారీరక, మానసిక ఆరోగ్యం రెండింటిపై సానుకూల ప్రభావాన్ని చూపుతుందని నిపుణులు చెబుతున్నారు. 

రివర్స్ వాకింగ్ కండరాలను బలపరుస్తుంది:

రివర్స్ వాకింగ్‌, ఫార్వర్డ్ వాకింగ్‌తో పోలిస్తే వివిధ కండరాల సమూహాలు సక్రియం చేస్తాయి. ఇది తొడలు, నడుము, హామ్ స్ట్రింగ్స్‌పై ఒత్తిడి తెస్తుంది. అంతేకాదు ఇది వ్యాయామాన్ని సమతుల్యం చేయడంతోపాటు  శరీర కండరాలను బలపరుస్తుంది. ఈ వ్యాయామం అథ్లెట్లు, ఫిట్నెస్ ఫ్రీక్స్ కోసం చాలా ఉపయోగకరంగా ఉంటుంది.

రివర్స్ వాక్ ఏకాగ్రతను పెంచుతుంది:

రివర్స్ వాకింగ్ బ్యాలెన్స్, సమన్వయాన్ని మెరుగుపరుస్తుంది. వెనుకకు నడిచేటప్పుడు, ఈ విషయాలు ప్రోప్రియోసెప్షన్‌ను మెరుగుపరచడంలో సహాయపడతాయి. ఈ ఏకాగ్రత  భయాన్ని తగ్గించడంతోపాటు  మానసికంగా చాలా బలంగా ఉంచుతుంది. 

గుండె ఆరోగ్యం మెరుగుపడుతుంది: 

పలు అధ్యయనాల ప్రకారం, ముందుకు నడవడం కంటే వెనుకకు నడవడం వల్ల హృదయ స్పందన రేటు పెరుగుతుంది. ఈ వ్యాయామం గుండె ఆరోగ్యాన్ని మెరుగుపరుస్తుంది. కేలరీలను వేగంగా బర్న్ చేయడం ద్వారా బరువును కూడా నియంత్రిస్తుంది.