ఆరోగ్యంగా ఉండాలంటే, బరువు తగ్గడం చాలా ముఖ్యం. ఆరోగ్యంగా ఉండేందుకు, కొంతమంది గ్రీన్ టీతో రోజును ప్రారంభిస్తారు. గ్రీన్ టీ తాగడం వల్ల శరీరం డిటాక్సిఫై అవుతుంది. క్రమంగా బరువు కూడా తగ్గుతుంది. గ్రీన్ టీ మీ శరీర ఆకృతిని, బరువును తగ్గించడానికి సహాయపడుతుంది. కొంతమంది రోజును అంటే ఉదయాన్నే ఖాళీ కడుపుతో గ్రీన్ టీతో ప్రారంభిస్తారు. గ్రీన్ టీ రక్తంలో చక్కెరను తగ్గించడంలో, ఊబకాయాన్ని తగ్గించడంలో ప్రయోజనకరంగా ఉంటుంది. అయితే, సరైన సమయంలో గ్రీన్ టీ తాగడం వల్ల మరిన్ని ప్రయోజనాలు లభిస్తాయి. ఉదయాన్నే ఖాళీ కడుపుతో గ్రీన్ టీ తాగాలా వద్దా అని తెలుసుకుందాం. గ్రీన్ టీ తాగడానికి సరైన సమయం ఏది? గ్రీన్ టీ ఎప్పుడు, ఎలా తాగాలి? పూర్తి వివరాలు తెలుసుకుందాం. 

ఆరోగ్య నిపుణుల అభిప్రాయం ప్రకారం, గ్రీన్ టీ తాగడం జీవక్రియను పెంచుతుంది. గ్రీన్ టీ ప్రభావం మీ చర్మంపై కూడా కనిపిస్తుంది. మీరు ఎక్కువ కాలం ఆరోగ్యంగా ఉండాలంటే, రోజూ గ్రీన్ టీ తాగడం అలవాటు చేసుకోండి. గ్రీన్ టీ తాగడం వల్ల రోజంతా యాక్టివ్ గా ఉంటారు. అయితే, గ్రీన్ టీ పూర్తి ప్రయోజనాలను పొందాలంటే, సరైన సమయంలో పద్ధతిలో త్రాగడం చాలా ముఖ్యం. ఫిట్‌గా ఉండటానికి, కొంతమంది ఉదయం వ్యాయామం చేసిన తర్వాత ఖాళీ కడుపుతో గ్రీన్ టీని తాగుతారు. ఇది ఆరోగ్యానికి హానికరమని నిపుణులు చెబుతున్నారు.  

ఖాళీ కడుపుతో గ్రీన్ టీ తాగాలా?

ఉదయాన్నే ఖాళీ కడుపుతో గ్రీన్ టీ తాగడం వల్ల కడుపు నొప్పి వస్తుంది. గ్రీన్ టీలో ఉండే పాలీఫెనాల్స్‌ను టానిన్లు అని పిలుస్తారు. దీని కారణంగా కడుపులో ఆమ్లం పెరగుతుంది. కొంతమంది కడుపు నొప్పి, మంట లేదా మలబద్ధకంతో బాధపడవచ్చు. అందువల్ల బ్రేక్ ఫాస్ట్ తర్వాత మాత్రమే గ్రీన్ టీ తాగాలి. భోజనం తర్వాత లేదా అల్పాహారం,రాత్రి భోజనం మధ్య గ్రీన్ టీ తీసుకోవడం మంచిది. మితంగా గ్రీన్ టీని తాగాలి. ఎందుకంటే గ్రీన్ టీలో కెఫిన్ ఉంటుంది. ఇది గ్యాస్ట్రిక్ జ్యూస్‌ను పలుచన చేస్తుంది. వాంతులు, గ్యాస్, మైకము వంటి కడుపు సమస్యలను కలిగిస్తుంది.

గ్రీన్ టీ త్రాగడానికి సరైన మార్గం ఏమిటి? 

 మీరు అల్పాహారానికి కొంత సమయం ముందు కూడా గ్రీన్ టీ తాగవచ్చు. ఉదయం, సాయంత్రం గ్రీన్ టీ తాగడం వల్ల జీవక్రియ వేగవంతం అవుతుంది. ఇది బరువు తగ్గడానికి కూడా సహాయపడుతుంది. అయితే, మీరు రోజుకు 3-4 కప్పుల కంటే ఎక్కువ గ్రీన్ టీని తినకూడదు. గ్రీన్ టీలో పాలు, చక్కెర కలపకూడదు గ్రీన్ టీ తర్వాత ఏదైనా తినకూడదు.

రాత్రిపూట గ్రీన్ టీ తాగవచ్చా?

రాత్రి పడుకునే ముందు గ్రీన్ టీ తాగడం మానుకోవాలి. దీని వల్ల మీకు కాలేయ సంబంధిత సమస్యలు రావచ్చు. రాత్రిపూట గ్రీన్ టీ తాగడం వల్ల కూడా నిద్రలేమి కలుగుతుంది. మీరు పగటిపూట గ్రీన్ టీ తాగవచ్చు.