నవజాత శిశువులకు తల్లి పాలు ముఖ్యమైనవి. కానీ చాలా మంది కొత్త తల్లులకు బిడ్డకు పాలు ఎలా ఇవ్వాలి? రోజుకు ఎన్నిసార్లు పాలు పట్టాలనే విషయంపై సరిగ్గా అవగాహన ఉండదు.  

తల్లులు చేసే తప్పులు:

ఒక కొత్త తల్లి కొన్ని ప్రాథమిక తప్పులు చేస్తుంది.తల్లిపాలు శిశువుకు సరిగ్గా అందకుంటే పెరుగుదలలో సమస్యలు వస్తాయి. కొత్తగా తల్లి అయిన స్త్రీ బిడ్డకు రోజుకు ఎన్నిసార్లు పాలు ఇవ్వాలన్న విషయంపై అవగాహన పెంచుకోవడం చాలా ముఖ్యం.  తల్లి పాలలోని అన్ని పోషకాలను పొందడానికి బిడ్డకు ఎంత తరచుగా తల్లిపాలు ఇవ్వాలో  తెలుసుకుందాం.

2 లేదా 3 గంటల తేడాతో తల్లిపాలు ఇవ్వాలి:

నవజాత శిశువులు ప్రతి ఒకటి నుండి మూడు గంటలకు ఆకలితో ఉంటారు. మీరు ప్రతి రెండు లేదా మూడు గంటల వ్యవధిలో పిల్లలకు తల్లిపాలు ఇవ్వాలి. పిల్లలు పెరిగేకొద్దీ, వారి కడుపు పరిమాణం కూడా పెరుగుతుంది. పిల్లలకు ఎక్కువగా ఆకలి వేస్తుంది. మీరు 2 నుండి 4 గంటలలో శిశువుకు ఆహారం ఇవ్వాలని వైద్యులు చెబుతున్నారు. 

ఎప్పుడెప్పుడు పాలు ఇవ్వాలి: 

పిల్లలకు ఒకే సమయంలో రెండు రొమ్ముల పాలు ఇవ్వాలన్న విషయాన్ని గుర్తుంచుకోవాలి. మీ బిడ్డకు ఒక నెల వయస్సు ఉన్నప్పుడు, మీరు 24 గంటల్లో 8 నుండి 12 సార్లు తల్లిపాలు ఇవ్వవచ్చు.

6 నెలల తర్వాత శిశువు కోసం:

6, 12 నెలల మధ్య పిల్లలు తల్లి పాలతో పాటు సెమీ-సాలిడ్‌లను తీసుకుంటారు. మీరు శిశువుకు రోజుకు నాలుగైదు సార్లు తల్లిపాలు ఇవ్వవచ్చు. ముఖ్యంగా లేచిన తర్వాత, పడుకునే ముందు శిశువుకు తల్లిపాలు తప్పనిసరిగా ఇవ్వాలి. 

1 సంవత్సరం తర్వాత:

సాధారణంగా, 1 సంవత్సరం, 2 సంవత్సరాల మధ్య వయస్సు ఉన్న పిల్లలు కూడా వారి ఆహారంలో ఘనపదార్థాలను తీసుకోవడం ప్రారంభిస్తారు. తల్లిపాలను తగ్గిస్తారు. ఈ సమయంలో మీ బిడ్డకు పాలివ్వడం మానివేయాలని మీరు కోరుకుంటే, రోజుకు రెండుసార్లు మాత్రమే తల్లిపాలు ఇవ్వండి. మీరు మీ పిల్లలకు 2 సంవత్సరాల వరకు తల్లిపాలు ఇవ్వవచ్చని నిపుణులు అంటున్నారు.