ప్రతిరోజు వచ్చే యాలకులను తీసుకోవడం వల్ల ఆరోగ్యానికి ఎంతో మేలు కలుగుతుందని నిపుణులు చెబుతున్నారు. ఆకుపచ్చ యాలకులు ఆరోగ్యానికి మేలు చేసే గుణాలను కలిగి ఉంటాయని చెబుతున్నారు. పురాతన కాలం నుంచి సుగంధ ద్రవ్యంగా యాలకులను వినియోగిస్తూనే ఉన్నారు. మనలో ఎంతోమంది దీనిని మౌత్ ఫ్రెషనర్ గా కూడా ఉపయోగిస్తారు. యాలకుల్లో అనేక ఔషధ గుణాలు ఉన్నాయి. వచ్చే యాలకుల్లో కాల్షియం, పొటాషియం, ఐరన్, మెగ్నీషియం, ఫాస్పరస్, కార్బోహైడ్రేట్లు, ప్రోటీన్లు, ఫైబర్ వంటి పోషకాలు పుష్కలంగా ఉంటాయి. ఇవి జీవక్రీను పెంచడంలో దోహదం చేస్తాయి. మానసిక ఒత్తిడిని నియంత్రించడంతోపాటు మూత్రపిండాల్లో రాళ్లను కరిగించడంలో కీలకంగా పనిచేస్తాయి. ఉదర సంబంధిత వ్యాధుల నివారణకు యాలకులు చక్కని పరిష్కారంగా నిపుణులు పేర్కొంటున్నారు. 

రాత్రి భోజనం పూర్తయిన తర్వాత నిద్రకు ముందు రెండు యాలకులను తిని ఒక గ్లాసు గోరువెచ్చని నీళ్లు తాగడం వల్ల శరీరంలోని అదనపు కొవ్వును కరిగించేందుకు దోహదం చేస్తుంది. యాలకుల్లో ఉండే యాంటీ బ్యాక్టీరియల్ గుణాలు నోటి దుర్వాసనకు ప్రధాన కారణమైన వాటిని నియంత్రించడంలో దోహదం చేస్తాయి. నోటిలో ఉండే బ్యాక్టీరియాను నాశనం చేయడంలో ఏలకులు ఎంతగానో సహాయపడతాయి. యాలకులతో ఒత్తిడి తగ్గుతుంది. మెదడులో చె సేరోటినిన్ స్థాయిలను పెంచడం ద్వారా ఇది పనిచేస్తుంది. ఇది న్యూరో ట్రాన్స్మిటర్. మానసిక స్థితి మెరుగుపరచడంలో ఎంతగానో దోహదం చేస్తుందని నిపుణులు చెబుతున్నారు. యాలకుల్లో ఉండే పొటాషియం, మెగ్నీషియం వంటి ఖనిజాలు ఆరోగ్యాన్ని మెరుగుపరచడంలో కీలకంగా వ్యవహరిస్తాయి. ఇది రక్తపోటును నియంత్రించడానికి దాహదం చేస్తుంది. గుండె జబ్బుల ప్రమాదాన్ని తగ్గిస్తుంది. యాలకుల్లో ఉండే పీచు ఎక్కువసేపు కడుపు నిండిన అనుభూతిని కలిగిస్తుంది. దీనివల్ల తక్కువ తినేలా చేస్తుంది. తద్వారా బరువు తగ్గేందుకు ఎంతగానో ఉపయోగపడుతుంది. ప్రతిరోజు ఉదయం సాయంత్రం వేళల్లో రెండు యాలకులను నోటిలో వేసుకోవడం వల్ల మంచి ఫలితాలను పొందవచ్చని నిపుణులు సూచిస్తున్నారు. నోటిలో యాలకులు వేసుకున్నప్పుడు వచ్చే సువాసన కూడా నోటి దుర్వాసన వంటి సమస్యల నుంచి ఇతరులకు ఇబ్బందులు లేకుండా చేస్తుంది. కనీసం రోజుల్లో ఒక్కసారైనా రెండు యాలకులను తినడం వల్ల ఆరోగ్యానికి మేలు చేకూర్చే గుణాలను పొందవచ్చని నిపుణులు చెబుతున్నారు.