మనలో చాలా మందికి ఉదయం లేవగానే టీ తాగే అలవాటు ఉంటుంది. కానీ ఉదయం పాలతో తయారు చేసిన తాగితే ఆరోగ్యానికి హానికరమని వైద్యులు చెబుతుంటారు. ఎందుకంటే ఇది దకడుపులో గ్యాస్, మలబద్ధకం, అజీర్ణం వంటి సమస్యలను కలిగిస్తుంది. కానీ ఆరోగ్య నిపుణుల ప్రకారం టీకి బదులుగా జీలకర్ర టీ తాగితే ఎంతో మేలు ఉంటుందంటున్నారు. ఈ టీ తాగితే.. స్థూలకాయం తగ్గిపోయి శరీరానికి అనేక ఇతర ప్రయోజనాలు కూడా కలుగుతాయి. మీ రోజును ఆరోగ్యంగా ప్రారంభించడానికి ఈ హెర్బల్ టీ సరైన పానీయం. జీలకర్ర టీ తాగడం వల్ల కలిగే ప్రయోజనాలు ఏంటీ..ఎలా తయారు చేస్తారో తెలుసుకుందాం. 

జీలకర్రలో రిచ్ యాంటీఆక్సిడెంట్, యాంటీ బాక్టీరియల్, యాంటీ ఫంగల్ లక్షణాలు ఉన్నాయి. ఇది రోగనిరోధక శక్తిని బలపరుస్తుంది. జీలకర్ర టీ తాగడం వల్ల గ్యాస్, ఎసిడిటీ, కడుపు ఉబ్బరం వంటి సమస్యలు తగ్గుతాయి. ఉదయాన్నే ఖాళీ కడుపుతో ఈ టీ తాగడం వల్ల మీ టీ తాగాలన్న కోరిక కూడా తీరుతుంది.

జీర్ణక్రియను మెరుగుపరుస్తుంది:

 జీర్ణక్రియను మెరుగుపరచడానికి, ఉదయం ఖాళీ కడుపుతో జీలకర్ర టీని త్రాగాలి. దీంతో పొట్ట సంబంధిత సమస్యల నుంచి ఉపశమనం లభిస్తుంది. గ్యాస్, అసిడిటీ, అజీర్తి సమస్యలు ఉన్నవారు జీలకర్ర టీతో రోజును ప్రారంభించాలి.

కొలెస్ట్రాల్‌ను తగ్గిస్తుంది:

 జీలకర్ర టీ శరీరంలోని అధిక చెడు కొలెస్ట్రాల్‌ను తగ్గించడంలో కూడా సహాయపడుతుంది. ఇది శరీరంలో ఆరోగ్యకరమైన కొలెస్ట్రాల్‌ను నిర్వహించడానికి సహాయపడుతుంది. జీలకర్ర టీ కూడా అధిక రక్తపోటును నియంత్రించడంలో సహాయపడుతుంది. ఇది గుండె జబ్బుల ప్రమాదాన్ని తగ్గిస్తుంది.

బరువు తగ్గడంలో సహాయపడుతుంది:

 ఉదయం జీలకర్ర టీతో రోజును ప్రారంభించడం వల్ల జీవక్రియ పెరుగుతుంది. ఇది మీ జీర్ణక్రియను మెరుగుపరుస్తుంది. శరీరం అవసరమైన పోషకాలను సులభంగా గ్రహించగలదు. అదనంగా, ఇది పేరుకుపోయిన కొవ్వును కూడా కరిగిస్తుంది. 

డయాబెటిస్‌లో మేలు చేస్తుంది:

 మధుమేహ రోగులు ఉదయం పాల టీకి బదులుగా జీలకర్ర టీ తాగడం ప్రారంభించాలి. ఇది రక్తంలో చక్కెరను నియంత్రణలో ఉంచుతుంది. ఇన్సులిన్ సెన్సిటివిటీని మెరుగుపరుస్తుంది. 

హార్మోన్ల సమతుల్యతలో సహాయం:

 మహిళలకు వారి శరీరంలో చాలా హార్మోన్ల సమస్యలు ఉంటాయి. ఇందుకోసం ఉదయాన్నే జీలకర్ర టీ తాగవచ్చు. జీలకర్ర టీ తాగడం వల్ల పీరియడ్స్ క్రమం తప్పకుండా వచ్చే సమస్య నుంచి ఉపశమనం లభిస్తుంది. దీనివల్ల పీరియడ్స్ సమయంలో వచ్చే కడుపు నొప్పి కూడా తగ్గుతుంది.

జీలకర్ర టీ ఎలా తయారు చేయాలి?

పాన్‌లో 1 కప్పు కంటే కొంచెం ఎక్కువ నీరు వేసి మరిగించండి. ఇప్పుడు నీటిలో ఒక టీస్పూన్ జీలకర్ర వేయండి. నీటిని 1 కప్పుకు తగ్గించే వరకు మరిగించండి. ఇప్పుడు దానిని వడపోసి అందులో సగం నిమ్మకాయ, 1 టీస్పూన్ తేనె కలిపి రుచి చూసుకుని తాగాలి.