అరటి పండు అంటే అందరికీ ఇష్టం. సీజన్ తో సంబంధం లేకుండా అన్ని కాలాల్లోనూ మార్కెట్లో అందుబాటులో ఉంటుంది. మీరు ఆకలితో ఉంటే, రెండు అరటిపండ్లు తింటే  చాలా మీ కడుపు నిండిపోతుంది. అంతేకాదు శరీరానికి తక్షణ శక్తిని అందిస్తుంది.అలాగే చాలా తక్కువ ధరకు లభించే ఈ పండు చాలా మంది అల్పాహారంగా తింటారు. ఉదయాన్నే ఖాళీ కడుపుతో అరటి పండు తింటే ఏం జరుగుతుందో తెలుసుకుందాం. 

ఖాళీ కడుపుతో అరటిపండు తింటే? 

మీరు బరువు పెరగాలనుకుంటే, అరటిపండ్లు తినండి. బరువు తగ్గడానికి కూడా అరటిపండ్లు సహాయపడతాయని మీరు వినే ఉంటారు. కానీ దానిని సరైన సమయంలో తీసుకోవడం చాలా ముఖ్యం.ఉదయం ఖాళీ కడుపుతో తింటే ఎక్కువ లాభాలు ఉంటాయని కొందరు నమ్ముతుంటారు. అందుకే అల్పాహారంగా తీసుకుంటారు. కానీ అలా తినకూడదని మీకు తెలుసా?

ఏ సమయంలో అరటి పండు తినాలి? 

ఖాళీ కడుపుతో అరటిపండ్లు తినడం వల్ల కలిగే కొన్ని నష్టాలను తెలుసుకుందాం. మనం ఉదయాన్నే అరటిపండు తినవచ్చో, చేస్తే ఎలా, దేనితో తినాలో తెలుసుకోవడం ముఖ్యం.

 అల్పాహారంతో పాటు తీసుకుంటే? 

ఉదయాన్నే ఖాళీ కడుపుతో అరటిపండు తింటుంటారు. కానీ అలా తినడం సరికాదంటున్నారు ఆరోగ్య నిపుణులు. అరటిపండును ఎప్పుడూ ఖాళీ కడుపుతో తినకూడదు. ఉదయాన్నే ఖాళీ కడుపుతో అరటిపండ్లు తింటే కొందరికి కడుపునొప్పి, గ్యాస్, ఎసిడిటీ సమస్యలు వస్తాయి. 

ఖాళీ కడుపుతో ఎందుకు తినకూడదు:

అరటిపండ్లలో అధిక మొత్తంలో కార్బోహైడ్రేట్లు ఉంటాయి. ఇది జీర్ణక్రియలో సమస్యలను కలిగిస్తుంది. ఇది గ్యాస్, ఉబ్బరం సమస్యలను కలిగిస్తుంది. ఈ కార్బోహైడ్రేట్లు ప్రేగులలో కిణ్వ ప్రక్రియ, గ్యాస్ ఏర్పడటానికి కారణమవుతాయి. కొన్నిసార్లు కడుపునొప్పి, వాంతులు లేదా ఇతర సమస్యలు సంభవించవచ్చు. కాబట్టి, అరటిపండును ఎప్పుడూ ఏదైనా ఇతర ఆహారంతో కలిపి తినాలి. ఖాళీ కడుపుతో అరటిపండు తినకూడదు.

ఖాళీ కడుపుతో అరటిపండు తింటే బరువు పెరుగుతుందా?

ఉదయాన్నే అరటిపండు తినడం వల్ల బరువు తగ్గుతుందని..పొట్ట శుభ్రంగా ఉంటుందని, జీర్ణవ్యవస్థ బలపడుతుందని కొందరి నమ్మకం. కానీ అరటిపండులో చాలా కార్బోహైడ్రేట్లు,కేలరీలు ఉంటాయి. ఖాళీ కడుపుతో అరటిపండ్లు తినడం వల్ల బరువు తగ్గడానికి బదులు బరువు పెరుగుతారు. మీరు సాధారణ అరటిపండును తింటే, అది మీకు 25-30 గ్రాముల కార్బోహైడ్రేట్లు, 90-105 కేలరీలు ఇస్తుంది.

అరటిపండు తినడానికి సరైన సమయం ఏది?

అరటిపండు తినడానికి ఉత్తమ సమయం పగటిపూట, తద్వారా అన్ని పోషకాలు శరీరానికి బాగా అందుతాయి. ఇది మిమ్మల్ని రోజంతా ఎనర్జిటిక్‌గా ఉంచుతుంది. కాబట్టి మీరు అరటిపండును మధ్యాహ్నం లేదా సాయంత్రం తినవచ్చు. ఈ సమయంలో అరటిపండు తినడం వల్ల శరీరానికి శక్తి లభిస్తుంది. మీకు కావాలంటే, మీరు అల్పాహారం తర్వాత అరటిపండు తినవచ్చు.