వర్షాకాలం వచ్చేసింది. దేశవ్యాప్తంగా వర్షాలు కురుస్తున్నాయి. ఈ కాలంలో అంటు వ్యాధుల ప్రబలం కూడా ఎక్కువగానే ఉంటుంది. జలుబు, దగ్గు వంటి సాధారణ సమస్యలతోపాటు డెంగ్యూ, మలేరియా వంటి వ్యాధులు కూడా ఇబ్బంది పెడుతుంటాయి. ముఖ్యంగా ఈ కాలంలో పిల్లలను చాలా జాగ్రత్తగా చూసుకోవాల్సి ఉంటుంది. ఇన్ఫెక్షన్లు రాకుండా ఉండాలంటే మన రోగనిరోధక శక్తి బలంగా ఉండాలని అంటున్నారు నిపుణులు. రోగనిరోధక శక్తిని పెంచడానికి మనం సహజమైన అలాగే శక్తివంతమైన ఆరోగ్యకరమైన మూలికలతో తయారు చేసిన అద్భుతమైన హెర్బల్ డ్రింక్స్ తీసుకోవాలని చెబుతున్నారు. అవేంటో చూద్దాం. 

హెర్బల్ టీ: 

వర్షాకాలంలో మనల్ని మనం ఆరోగ్యంగా ఉంచుకోవడానికి ఎలాంటి హెల్తీ హెర్బల్ టీ తాగినా తప్పు లేదు. పుదీనా, చామంతి,అల్లం టీ వర్షాకాలంలో ఆరోగ్యానికి చాలా మంచిదని చెబుతారు.ముఖ్యంగా ఎల్డర్‌బెర్రీ, ఎచినాసియా మన రోగనిరోధక శక్తిని పెంచే సామర్థ్యాన్ని కలిగి ఉంటాయి. అదేవిధంగా పిప్పరమెంటు,చామంతి మన శరీరాన్ని, మనస్సును రిలాక్స్ చేసే గుణం కలిగి ఉంటాయి.గోరువెచ్చని హెర్బల్ టీ మన రోగనిరోధక శక్తిని పెంచుతుంది. అలాగే, ఇది మన శరీరంలోని నీటి శాతాన్ని కాపాడుతూ.. డీహైడ్రేషన్‌ను నివారిస్తుంది.

పసుపు పాలు:

వర్షాకాలంలో పాలలో పసుపు కలిపి తాగితే ఆరోగ్యానికి ఎంతో మేలు చేస్తుంది. ఎందుకంటే ఇది శక్తివంతమైన యాంటీ ఇన్ఫ్లమేటరీ, యాంటీ ఆక్సిడెంట్ లక్షణాలను కలిగి ఉన్న హెర్బ్. పసుపు పొడిని పాలలో కలిపి అందులో కాస్త నెయ్యి కలుపుకుని తింటే చాలా మంచిది. ఇది మన జీర్ణక్రియను మెరుగుపరుస్తుంది. మన శరీరంలో మంటను తగ్గించి.. రోగనిరోధక శక్తిని పెంచుతుంది. రాత్రి పడుకునే ముందు కప్పు పాలలో పసుపు పొడిని కలిపి తీసుకుంటే రోగనిరోధక శక్తి పెరుగుతుంది.

 నిమ్మ, అల్లం పానీయం:

లంపి లెమన్, అల్లం టీ అనేది వర్షాకాలానికి సరైంది. ఇది మన రోగనిరోధక శక్తిని పెంచుతుంది. ఎందుకంటే నిమ్మకాయల్లో విటమిన్ సి ఎక్కువగా ఉంటుంది. అదేవిధంగా, అల్లంలో యాంటీ బ్యాక్టీరియల్, యాంటీ ఇన్ఫ్లమేటరీ లక్షణాలు చాలా ఉన్నాయి. ఇది వర్షాకాలంలో ఎలాంటి ఇన్ఫెక్షన్లు రాకుండా చేస్తుంది.  జలుబు, జలుబు, దగ్గు, జ్వరం బారినపడకుండా కాపాడుతుంది. కాబట్టి ఈ రెండింటినీ గోరువెచ్చని నీటిలో కలపి తాగడం మంచిది. 

ఆకుపచ్చ స్మూతీస్:

మీ శరీరం యొక్క పోషక స్థాయిలను పెంచే ఆకుపచ్చ స్మూతీ, మీ రోగనిరోధక వ్యవస్థను బలంగా ఉంచుతుంది. ఎందుకంటే ఇందులో హెల్తీ ఫ్రూట్స్,గ్రీన్ లీఫీ వెజిటేబుల్స్ ఉంటాయి. ఇందులో మినరల్స్, ఐరన్ కంటెంట్, మెగ్నీషియం ఉండటం వల్ల ఆరోగ్యానికి చాలా మంచిది. ఇందులో ప్రధానంగా పాలకూర, కాలే, ఇతర ఆకుకూరలు ఉంటాయి. ఇవి మన శరీరానికి విటమిన్ ఎ, విటమిన్ సి, విటమిన్ ఇ అందిస్తాయి. ఇది రుచికరమైన పోషకాలతో నిండిన ఆరోగ్యకరమైన పానీయం. బెర్రీలు, అరటి, నిమ్మకాయల మిశ్రమం అపారమైన ఆరోగ్య ప్రయోజనాలను అందిస్తాయి. కావాలనుకుంటే మంచినీళ్లు లేదా బాదం పాలు కూడా కలుపుకోవచ్చు. వర్షాకాలంలో ఎదురయ్యే వివిధ రకాల ఇన్ఫెక్షన్ల నుండి మనల్ని మనం రక్షించుకోవడానికి, మన రోగనిరోధక శక్తిని పెంచుకోవడానికి ఈ రకమైన పానీయాలు తాగడం చాలా అవసరం.