బెల్లీ ఫ్యాట్ సమస్యతో బాధపడుతున్న వారి సంఖ్య ఈ మధ్యకాలంలో గణనీయంగా పెరిగింది. ఇందులో మహిళలు, పురుషులు అందరూ ఉంటున్నారు. బెల్లీ ఫ్యాట్ తగ్గించుకోవడం అంత సులభం ఏమీ కాదు. ఇందుకోసం చాలా గట్టిగానే శ్రమించాల్సి ఉంటుంది. అయితే కొన్ని జాగ్రత్తలు తీసుకోవడం ద్వారా బెల్లీ ఫ్యాట్ ను సులభంగా తగ్గించుకోవచ్చని నిపుణులు సూచిస్తున్నారు. అలాగే కొన్ని పద్ధతులను ఆచరించడం ద్వారా బెల్లీ ఫ్యాట్ సమస్యను తక్కువ రోజులు వ్యవధిలోనే తగ్గించుకునే అవకాశం ఉందని నిపుణులు సూచిస్తున్నారు. 

బెల్లీ ఫ్యాట్ తగ్గించుకోవాలంటే తప్పనిసరిగా ఉదయాన్నే యోగ, స్ట్రెచింగ్, కొద్దిపాటి వాకింగ్ వంటివి చేయాలి. వీటిని ప్రతిరోజు చేయడం ద్వారా జీవక్రియ పెరుగుతుంది. తద్వారా శరీర బరువు తగ్గుతుంది. అలాగే ఉదయాన్నే సూర్యకాంతి తగిలేలా ఎండలో నిలబడాలి. దీనివల్ల విటమిన్ డి పుష్కలంగా లభిస్తుంది. జీవక్రియ పెరుగుతుంది. తద్వారా ఫ్యాట్ కంటెంట్ తగ్గుతుందని నిపుణులు సూచిస్తున్నారు. ఇందుకోసం పెద్దగా శ్రమించాల్సిన అవసరం కూడా లేదన్నది నిపుణుల మాట. అలాగే ఉదయాన్నే ఖాళీ కడుపుతో కార్డియో ఎక్సర్సైజ్ చేయడం వల్ల శరీరంలో నిల్వ ఉన్న కొవ్వు సులభంగా కరిగిపోతుంది. దీనివల్ల మంచి ప్రయోజనం ఉంటుంది. అలాగే ఉదయాన్నే డీప్ బ్రీతింగ్, ధ్యానం చేయడం వల్ల కొలెస్ట్రాల్ తగ్గుతుంది. ఇది మంచి ఉపయోగకరమైన అలవాటుగా మార్చుకోవడం వల్ల బెల్లీ ఫ్యాట్ వేగంగా తగ్గించుకునే అవకాశం ఉందని నిపుణులు సూచిస్తున్నారు. 

బెల్లీ ఫ్యాట్ తగ్గించుకోవడంలో మరో అలవాటు కీలకంగా మారుతుందని నిపుణులు చెబుతున్నారు. గోరువెచ్చని నీటిలో నిమ్మరసం కలుపుకొని తాగడం వల్ల జీవక్రియ పెరుగుతుంది. దీంతోపాటు జీర్ణశక్తి పెరిగి, బెల్లీ ఫ్యాట్ తగ్గుతుందని నిపుణులు సూచిస్తున్నారు. అలాగే గ్రీన్ టీ, జీలకర్ర వాటర్ వంటి డీటేక్స్ డ్రింక్స్ తాగడం వల్ల ఫ్యాట్ కరిగిపోయి హైడ్రేటెడ్ గా ఉంటారని నిపుణులు సూచిస్తున్నారు. ఉదయం తీసుకునే బ్రేక్ ఫాస్ట్ లోను కొన్ని జాగ్రత్తలు తీసుకోవడం వల్ల బెల్లీ ఫ్యాట్ సులభంగా కలిగించేందుకు అవకాశం ఉంటుంది. బ్రేక్ ఫాస్ట్ లో ప్రోటీన్ అధికంగా ఉండే ఫుడ్ తీసుకోవాలి. దీనివల్ల కడుపు నిండుగా ఉంటుంది. అనవసరంగా ఆకలి అనిపించదు. ఇది బయట ఫుడ్డు తినేందుకు దూరంగా ఉండేలా చేస్తుంది. తద్వారా బెల్లీ ఫ్యాట్ తగ్గించుకునే మార్గాలను పెంచుతుందని నిపుణులు సూచిస్తున్నారు. బెల్లీ ఫ్యాట్ తగ్గించుకోవాలనుకునే వాళ్లు ఈ సూచనలను పక్కాగా పాటించడం వల్ల మెరుగైన ఫలితాలను చూడవచ్చని నిపుణులు పేర్కొంటున్నారు. మరి మీరు బెల్లీ ఫ్యాట్ తో బాధపడుతున్నారా.. అయితే ఈ చిట్కాలను పాటించండి. సమస్య నుంచి ఉపశమనం పొందండి.