ఆవు పాలు తాగితే మంచిదా, బర్రె పాలు తాగితే మంచిదా? అన్న సంశయం చాలా మందిలో మొదలైంది. ఈ మధ్య కాలంలో ఆవు పాల కంటే బర్రె పాలకే ఎక్కువ రేటు పలుకుతుండటంతో ఈ అనుమానం మరింత బలపడింది. ఈ నేపథ్యంలో ఆవు పాలకు, బర్రె పాలకు తేడా ఏంటో కచ్చితంగా తెలుసుకోవాల్సిన ఆవశ్యకత ఏర్పడింది. మరి ఆవు పాలు తాగడం మంచిదా? బర్రె పాలు తాగడం మంచిదా? అంటే.. ఆవుకు, బర్రె జీవన శైలిని గుర్తిస్తే ఏ పాలు తాగితే మంచిదో తెలిసిపోతుంది.

- గేదెకు బురద అంటే ఇష్టం.. గోవు తన పేడ లో కూడా తను కూర్చోదు. గోవుకు స్వచ్ఛత అంటే చాలా ఇష్టం.

- గేదెను 2 కిలోమీటర్ల దూరం తీసుకువెళ్లి వదిలేస్తే.. ఇంటికి తిరిగి రాలేదు. దానికి జ్ఞాపక శక్తి జీరో.. ఆవును 5 కిలోమీటర్ల దూరం తీసుకువెళ్లి వదిలేసినా, ఇంటి దారి మర్చిపోకుండా తిరిగి వచ్చేస్తుంది. అందుకే గోవు పాలల్లో స్మరణ శక్తి ఉంటుంది.

- పది గేదెలను కట్టి, వాటి పిల్లలను విడిచిపెడితే ఒక్క పిల్ల కూడా దాని తల్లిని గుర్తించలేదు.. ఆవు దూడ అలా కాదు. తన తల్లి కొన్ని వందల ఆవుల మధ్యలో ఉన్నా గుర్తిస్తుంది.

- పాలను తీసేటప్పుడు గేదె తన పాలను మొత్తం ఇచ్చేస్తుంది.. ఆవు తన పిల్ల కోసం పొదుగులో కొన్ని పాలను దాచిపెడుతుంది. అది పిల్ల తాగేటప్పుడు మాత్రమే వదులుతుంది. నాటు ఆవు పాలల్లో వాత్సల్య గుణం ఉంటుంది.

- బర్రె ఎండ లేదా వేడిమిని తట్టుకోలేదు.. ఆవు మే- జూన్ ఎండలను సైతం తట్టుకోగలదు.

- గేదె పాలు భారీగా ఉండి తొందరగా అరగవు. దాని వల్ల చలాకీతనం ఉండదు. పాలను తీసే సమయంలో దూడను యజమాని దానిని లేపుతాడు.. ఆవు దూడ తాడు ఇప్పడం చాలా కష్టంగా ఉంటుంది. పాలు తీశాక కూడ దూడను మనం కంట్రోల్ చేయలేం.

- ఆవు వీపు పైన ఉండే "సూర్య కేతు నాడి" ఎండలో ఉన్నప్పుడు జాగృతమై ఆవులో బంగారు లవణాలు తయారవుతాయి. ఈ నాడీ సూర్యుడు, నక్షత్రాలు, చంద్రుడు, విశ్వం నుంచి కాస్మిక్ ఎనర్జీని గ్రహించుకుంటుంది. అందుకే ఆవు పాలకు రోగాలను హరించే శక్తి వస్తుంది. ఈ విశ్వంలో ఏ జీవికీ ఇటువంటి శక్తి లేదు.

- నిజానికి ఆవు పాలు వేడి చేయవు, చలువ చేస్తాయి. గేదె పాలు భారీగా ఉండడం వల్ల, వేడి చెయ్యడం వల్ల షుగర్ వస్తుంది. షుగర్ ఉంటే తగ్గదు.

- మనం అన్నింటిలోనూ ఫ్యాట్ కంటెంట్ చూస్తాం. రిఫైన్డ్ ఆయిల్ వల్ల మనకి కొలెస్ట్రాల్ తయ్యారవ్వదు అని టీవీలో చూపిస్తే ఆ ఆయిల్‌నే వాడతాం. ఫ్యాట్ తక్కువ ఉన్న పాలను వదిలి గేదె పాలల్లో ఎంత ఎక్కువ ఫ్యాట్ కంటెంట్ ఉంటే అంత ఎక్కువ డబ్బులు చెల్లించి మరీ ఇంటికి తెచ్చుకుంటాం.

- గేదె పాలల్లో మూడో, నాలుగో ఉండే పోషక తత్వాలు మనం పొయ్యి మీద పెట్టి కొంచెం వేడి చేయగానే ఆవిరైపోతాయి.. ఆవు పాలు ఎంత వేడి చేసి మరిగించినా అందులో ఉండే పోషక తత్వాలు నశించవు.

దీన్ని బట్టే ఆవు పాలు ఎంత శ్రేష్ఠమైనవో అర్థం చేసుకోవచ్చు. ప్రస్తుత జీవనశైలి ప్రకారం మనం తినేదంతా పిప్పే. అందుకే పిల్లలకు వీలైనంత వరకు ఆవు పాలనే తాగించడం మేలు.