ప్రపంచ వ్యాప్తంగా గడిచిన కొన్నాళ్లుగా క్యాన్సర్ బారిన పడుతున్న వారి సంఖ్య గణనీయంగా పెరిగింది. క్యాన్సర్ బారినపడి ఏటా కొన్ని లక్షల మంది మృత్యువాత చెందుతున్నారు. ఈ నేపథ్యంలోనే ప్రపంచవ్యాప్తంగా అనేక దేశాల్లో క్యాన్సర్ మహమ్మారికి అడ్డుకట్ట వేసే వ్యాక్సిన్లు, మందులపై కీలక పరిశోధనలు జరుగుతున్నాయి. ఈ క్రమంలోనే క్యాన్సర్ వ్యాక్సిన్లకు సంబంధించి పరిశోధన చేస్తున్న రష్యా క్యాన్సర్ రోగులకు శుభవార్తను చెప్పింది. క్యాన్సర్ నివారణకు సంబంధించిన వ్యాక్సిన్ కనుగొన్నట్లు రష్యా వెల్లడించింది. ముందుగా ఆ దేశ ప్రజలకు ఉచితంగా ఈ వ్యాక్సిన్ ఇవ్వబోతున్నట్లు పేర్కొంది. ఈ మేరకు ఆ దేశ ఆరోగ్య శాఖ మంత్రి ఈ విషయాన్ని ధృవీకరించారు. వచ్చే ఏడాది జనవరి 25 నుంచి రష్యా పౌరులకు ఉచితంగా ఈ వ్యాక్సిన్ ఇవ్వనున్నారు. రష్యా ప్రభుత్వ యాజమాన్యంలోని వార్తా సంస్థ టాస్ ప్రకారం రేడియాలజీ మెడికల్ రీసెర్చ్ సెంటర్ జనరల్ డైరెక్టర్ ఆండ్రీ కప్రిన్ ఈ టీకా గురించి వెల్లడించారు. మాస్కోలోని గుమలేయా నేషనల్ రీసెర్చ్ సెంటర్ ఫర్ ఎపిడిమియాలజీ అండ్ మైక్రోబయాలజీ డైరెక్టర్ అలెగ్జాండర్ గింట్స్ బర్గ్ గతంలో టాస్ తో మాట్లాడుతూ క్యాన్సర్ పెరుగుదలను వ్యాక్సిన్ ఆపగలదని పేర్కొన్నారు. క్యాన్సర్ వ్యాప్తి చెందకుండా నిరోధించగలరని వివరించారు. వ్యాక్సిన్ క్యాన్సర్ ను నివారించడానికి సాధారణ ప్రజలకు ఇవ్వకుండా క్యాన్సర్ రోగులకు చికిత్స చేసేందుకు ఉపయోగిస్తామని పేర్కొన్నారు. ఈ వ్యాక్సిన్ను అన్ని రకాల క్యాన్సర్ తో బాధపడుతున్నారు రోగులకు ఇవ్వవచ్చని వివరించారు. 

క్యాన్సర్ చికిత్సలో అత్యంత కీలకమైన పరిణామంగా దీనిని నిపుణులు పేర్కొంటున్నారు. గడిచిన కొన్నేళ్లుగా అనేక దేశాలకు చెందిన శాస్త్రవేత్తలు దీనిపై పరిశోధనలు సాగిస్తున్నారు. వ్యాక్సిన్ ఎలా పనిచేస్తుందో రష్యన్ నేషనల్ మెడికల్ రీసెర్చ్ రేడియాలజికల్ సెంటర్, గమలేయ నేషనల్ రీసెర్చ్ సెంటర్ తో సహా రష్యా ఆరోగ్య మంత్రత్వ శాఖ ధ్రువీకరించింది. ప్రస్తుతానికి వ్యాక్సిన్ ఏ క్యాన్సర్కు చికిత్స చేస్తుంది. ఎంత ప్రభావవంతంగా ఉంటుంది. వ్యాక్సిన్ ను ఏమని పిలుస్తారు స్పష్టంగా తెలియజేయలేదు. క్యాన్సర్ కనిపట్టేందుకు శాస్త్రీయంగా వ్యాక్సిన్ అభివృద్ధి సాధ్యమే అంటున్నారు నిపుణులు. ప్రపంచవ్యాప్తంగా అనేక దేశాలు ఈ పరిశోధనాల్లో మునిగి ఉన్నాయి. తాజా ప్రకటనతో ఈ పరిశోధనలకు సంబంధించి రష్యా ఒక అడుగు ముందుకు వేసినట్లు నిపుణులు పేర్కొంటున్నారు. క్యాన్సర్ చికిత్సలను అభివృద్ధి చేసేందుకు జర్మన్ బయోటెక్నాలజీ కంపెనీకి 2023లో యూకే ప్రభుత్వం ఒప్పందం చేసుకుంది. ఫార్మా షూటికల్ కంపెనీలో మోడర్న్, మెర్క్ & కో చర్మ క్యాన్సర్ వ్యాక్సిన్ పై వ్యాక్సిన్ పై పరిశోధనలు చేస్తోంది. గర్భాశయ క్యాన్సర్ను నిరోధించడంలో సహాయపడే హ్యూమన్ పాపిల్లోమా వైరస్ (హెచ్పీవీ) కి వ్యతిరేకంగా రియాక్షన్ లో మార్కెట్లో ఉన్నాయి. అయితే ఇప్పుడు రష్యా తీసుకువచ్చింది మాత్రం అన్ని రకాల క్యాన్సర్ కారకాలపై పనిచేస్తుందని చెబుతున్నారు. ఇది ప్రపంచ వ్యాప్తంగా అన్ని దేశాల్లోని మార్కెట్లోకి అందుబాటులోకి వస్తే క్యాన్సర్ వైద్యంలో ముందడుగుగా భావించవచ్చని నిపుణులు చెబుతున్నారు.