||ఈగరుడ బస్సు||

ఈవార్తలు, తెలంగాణ న్యూస్: హైదరాబాద్-విజయవాడ మధ్య ప్రయాణించే ప్రయాణికులకు తెలంగాణ రాష్ట్ర రోడ్డు రవాణా సంస్థ శుభవార్త చెప్పింది. ఈ రెండు నగరాల మధ్య ఎలక్ట్రిక్ ఏసీ బస్సులను నడపనున్నట్లు ప్రకటించింది. ఈ మార్గంలో మొత్తం 50 ఎలక్ట్రిక్ బస్సులను నడపాలని నిర్ణయించినట్లు టీఎస్ ఆర్టీసీ ప్రకటించింది. అందులో ముందుగా 10 బస్సులను మంగళవారం నుంచి అందుబాటులోకి తీసుకువస్తున్నట్లు వెల్లడించింది. మిగతా బస్సులను విడతల వారీగా ఈ ఏడాదిలోగా అందుబాటులోకి తీసుకొస్తామని వివరించింది. ఈ బస్సులకు ఈ-గరుడ అని పేరు పెట్టినట్లు టీఎస్ ఆర్టీసీ ఎండీ సజ్జనార్ తెలిపారు. మంగళవారం రోజున మియాపూర్‌లోని బస్ పాయింట్ వద్ద ఈ బస్సులను రవాణా మంత్రి పువ్వాడ అజయ్ కుమార్ ప్రారంభిస్తారని పేర్కొన్నారు. హైదరాబాద్-విజయవాడ మార్గంలో ప్రతి 20 నిమిషాలకో ఎలక్ట్రిక్ బస్సులను నడిపేలా చర్యలు తీసుకుంటున్నట్లు వెల్లడించారు.

ఈ-గరుడ విశేషాలు:

• పొడవు - 12 మీటర్లు
• సీట్లు - 41
• ప్రతి సీటు వద్ద మొబైల్ చార్జింగ్ పాయింట్
• రీడింగ్ ల్యాంప్
• వెయికల్ ట్రాకింగ్ సిస్టం
• ప్రతి సీటు వద్ద పానిక్ బటన్
• బస్సులో 3 సీసీ కెమెరాలు
• ప్రయాణికులను లెక్కించేలా ఆటోమేటిక్ ప్యాసింజర్ కౌంటర్ కెమెరా
• బస్సుకు ముందు వెనకాల ఎల్‌ఈడీ బోర్డులు
• బస్సులో ఫైర్ డిటెక్షన్ సప్రెషన్ సిస్టం
• ఒకసారి చార్జింగ్‌తో 325 కిలోమీటర్ల ప్రయాణం