మారిన ఆహారపు అలవాట్లు, జీవన విధానం, ఉరుకుల పరుగుల జీవితాలతో ఏం తింటున్నామో, ఎలాంటి ఆహార పదార్థాలను తీసుకుంటున్నామో తెలియని పరిస్థితి. ఈ నేపథ్యంలోనే తెలిసి తెలియక చేసే కొన్ని తప్పులు తీవ్ర ప్రమాదానికి హేతువులుగా మారుతాయని నిపుణులు హెచ్చరిస్తున్నారు. ప్రతి ఇంట్లోనూ ఒక ఫ్రిజ్ ఉంటుంది. సాధారణంగా ఫ్రిజ్ లో కొన్ని రకాల వస్తువులు మాత్రమే పెట్టాలి. కానీ ఈ ఫ్రిజ్ ను అన్ని రకాల వస్తువుల డంపింగ్ యార్డుగా చాలామంది మార్చేస్తున్నారు. రోజుల తరబడి ఫ్రిజ్లో వస్తువులను వినియోగిస్తూ అనారోగ్యానికి గురవుతున్నారు ఎంతోమంది. ఫ్రిజ్లో ఆహార పదార్థాలను ఉంచితే తాజాగా ఉంటాయని భావిస్తారు. అయితే కొన్ని రకాల ఫ్రిజ్ లో పెట్టడం మంచిది కాదని చాలా మంది చెబుతున్నారు. కొన్ని కూరగాయలను ఫ్రిజ్ లో ఉంచడం వల్ల అవి పాడవడంతోపాటు రుచి మారిపోవడం, పోషకాలు తగ్గిపోవడం జరుగుతుందని నిపుణులు చెబుతున్నారు. అటువంటి పదార్థాలను ఫ్రిజ్లో పెట్టకపోవడం మంచిదని సూచిస్తున్నారు. 

ఫ్రిజ్లో పెట్టకూడని వస్తువులు విషయంలో అవగాహన తప్పనిసరి అని పేర్కొంటున్నారు. ఫ్రిజ్లో పెట్టకూడని వస్తువుల విషయానికి వస్తే.. వెల్లుల్లి పెట్టకూడదు. ఇవి పెడితే మొలకెత్తే అవకాశం ఉంది. మొలకెత్తిన వెల్లుల్లి రబ్బరు ఆకృతను పొంది రుచిని కోల్పోతుంది. పోషక విలువలు కూడా తగ్గిపోతాయి. వెల్లుల్లి పొడి ప్రదేశంలో నిల్వ చేయడం మంచిది. అలాగే ఉల్లిపాయలను కూడా ఫ్రిజ్లో పెట్టకుండా ఉంచడం మంచిది. ఫ్రిడ్జ్ లో ఉల్లిపాయలను పెట్టడం వల్ల తేమ, చల్లదనం వల్ల చక్కెరగా మారిపోయే అవకాశం ఉంది. కాబట్టి ఉల్లిపాయలను బయటే ఉంచడం మంచిది. బంగాళా దుంపలను ఫ్రిజ్లో ఉంచితే చక్కెరగా మారిపోతుంది. టమోటాలను ఫ్రిజ్లో ఉంచితే గట్టిగా మారి లోపల పొర విరిగిపోతుంది. దీనివల్ల టమోటా మెత్తగా మారి త్వరగా పాడవుతుంది. టమోటో పండిన తర్వాత ఇతిలిన్ వాయువు విడుదల చేస్తుంది. ఫ్రిజ్లో ఉంచడం వల్ల ఈ వాయు ఉత్పత్తి తగ్గే టమోటా రుచిని కోల్పోతుంది. కాబట్టి టమోటాలను గది ఉష్ణోగ్రతలోనే ఉంచడం అత్యుత్తమం. దోసకాయ కూడా ఫ్రిజ్లో ఉంచుకోపోవడం మంచిది. ఫ్రిజ్లో పెడితే దోసకాయలో ఉండే నీరు ఎండిపోయి రుచి చేదుగా మారుతుంది. ఫ్రిజ్లో దోసకాయ పెట్టడం వల్ల పోషకాలు కూడా తగ్గిపోతాయి. ఈ వస్తువులను ఫ్రిజ్లో పెట్టకుండా ఉండడమే చాలా మంచిదని నిపుణులు సూచిస్తున్నారు. మహిళలకు ఈ విషయాలను తెలియజేయడం ద్వారా ఆయా ఆహార పదార్థాలు శుభ్రంగా ఉండడంతోపాటు పోషకాలు పాడవకుండా చేయవచ్చని పేర్కొంటున్నారు.