ప్రస్తుతం మార్కెట్లో వివిధ కంపెనీలకు సంబంధించిన ఇయర్ బడ్స్ అందుబాటులో ఉన్నాయి. విభిన్నమైన ఫీచర్లతో వీటిని మార్కెట్లోకి ఆయా కంపెనీలు ప్రవేశపెడుతున్నాయి. తాజాగా ప్రముఖ టెక్నాలజీ బ్రాండ్ నథింగ్ తన సబ్ బ్రాండ్ సీఎంఎఫ్ ద్వారా నూతన ఇయర్ బడ్స్ మార్కెట్లోకి విడుదల చేసింది. CMF buds 2 ను అమెరికా, యూరప్, యూకే మార్కెట్లలో వీటిని ఇప్పటికే విడుదల చేసింది. ఏప్రిల్ 28న భారత్ మార్కెట్లోకి ఈ ఇయర్ బడ్స్ రానున్నాయి. ఈ కంపెనీకి సంబంధించిన CMF Buds 2A, Buds 2 plus మోడల్స్ తో కలిసి అధికారికంగా భారత్ మార్కెట్లో లాంచ్ కానున్నాయి. CMF Buds 2 మోడల్ ప్రత్యేక ఆకర్షణగా స్మార్ట్ డయల్ ను కలిగి ఉంది. ఇది వాల్యూమ నియంత్రణ, ప్లే బ్యాక్ కంట్రోల్ కోసం ఉపయోగించుకునే అవకాశం ఉంది. దీనిని Nothing  X యాప్ ద్వారా అనేక ఫంక్షన్లకు అనుకూలంగా మార్చుకోవచ్చు. ఉదాహరణకు నాయిస్ క్యాన్సిలేషన్ నియంత్రణ, వాయిస్ అసిస్టెంట్ యాక్టివేషన్, లో ల్యాగ్ మూడు కు మారడం తదితర  ఫీచర్లు ఇందులో ఉన్నాయి.

CMF Buds 2 హైబ్రిడ్ యాక్టివ్ నైస్ క్యాన్సిలేషన్ ను 48 Db వరకు సపోర్ట్ చేస్తుంది. ఈ ఇయర్ బడ్స్ 6 మైక్రో ఫోన్లతో క్లియర్ వాయిస్ టెక్నాలజీ 3.0, విండ్ నాయిస్ రిడక్షన్ 3.0 కలిగి ఉండడంతో కాల్ క్లారిటీ చాలా బాగా మెరుగవుతుంది. బ్యాటరీ పరంగా బడ్స్ ఒక్కటే 13.5 గంటల ప్లే బ్యాక్ 7.5 గంటలు (ANC ఆన్) కలిగి ఉండగా, చార్జింగ్ కేసుతో కలిపి మొత్తం 55 గంటల బ్యాటరీ లైఫ్ కలుగుతుంది. 10 నిమిషాల క్విక్ ఛార్జ్ తో 7.5 గంటల ప్లే బ్యాక్ సాధ్యపడుతుంది. దీనికి సంబంధించి ఇతర ఫీచర్ల విషయానికి వస్తే బ్లూటూత్ V5.4, డ్యూయల్ కనెక్షన్, టచ్ కంట్రోల్స్, చాట్ జిపిటి ఇంటిగ్రేషన్, ఈక్వాలిజర్, గేమింగ్ మోడ్ వంటి ఫీచర్లు ఇందులో అందుబాటులో ఉన్నాయి. ఫోన్లతో కనెక్ట్ అయ్యే సమయంలో ఆటోమేటిగ్గా లో ల్యాబ్ మోడ్ యాక్టివేట్ అవుతుంది. ఈ ఇయర్ బడ్స్ డార్క్ గ్రే, లైట్ గ్రీన్, ఆరెంజ్ కలర్లలో లభిస్తోంది. అమెరికాలో 59 USD (రూ.5,035) , యూరప్ లో 49.95 యూరోలు (ఇక్కడ ప్రత్యేక ఆఫర్ ధర 39.95 యూరోలకు అందిస్తున్నారు), యూకే ధర 39 GBP (ఆఫర్ ధర రూ.34 GBP) విక్రయిస్తున్నారు. భారతదేశంలో ఏప్రిల్ 28న అధికారికంగా విడుదల కానున్న నేపథ్యంలో ధరతోపాటు ఇతర వివరాలను అప్పుడే వెల్లడించనున్నారు. వినియోగదారులకు మెరుగైన సౌండ్ అనుభూతిని అందించే ఉద్దేశంతో ఈ ఇయర్ బడ్స్ రూపొందించినట్లు సంస్థ పేర్కొంది.