దేశంలోనే ప్రముఖ రైడ్ హైలింగ్ సంస్థ ఉబర్ దేశంలో సరికొత్త సేవను ప్రారంభించింది. యుక్త వయసు వారి కోసం ఉబర్ ఫర్ టీన్స్ పేరుతో సరికొత్త సేవను లాంచ్ చేసింది. ఇది ప్రత్యేకంగా 13 నుంచి 17 ఏళ్ల మధ్య వయసు గల టీనేజ్ రైడర్ల కోసం ప్రత్యేకంగా తీసుకువచ్చినట్టుగా ఆ సంస్థ ప్రకటించింది. ఈ సేవ యువతకు భద్రతతో కూడిన నమ్మకమైన ప్రయాణ అనుభవాన్ని అందించేందుకు ఉద్దేశించబడిందిగా ఆ సంస్థ పేర్కొంది. ఉబర్ ఈ కొత్త సేవలో జిపిఎస్ ట్రాకింగ్, రియల్ టైం రైడ్ మానిటరింగ్, ఇన్ ఆప్ ఎమర్జెన్సీ బటన్ వంటి ముఖ్యమైన భద్రతా లక్షణాలను అందించింది. ఈ సేవతో తల్లిదండ్రులకు మానసిక ప్రశాంతత పిల్లలకు స్వేచ్ఛ అనే ఉద్దేశంతో ఉబర్ ఈ కొత్త ఫీచర్ ను ప్రవేశపెట్టినట్లు వెల్లడించింది. ఉబర్ నిర్వహించిన సర్వే ప్రకారం 92 శాతం మంది తల్లిదండ్రులు తమ పిల్లల ప్రయాణ ఏర్పాట్ల విషయంలో ఇబ్బంది పడతారని వెల్లడైంది. అలాగే 72 శాతం మంది తల్లిదండ్రులు భద్రతాపరమైన సమస్యల గురించి ఎక్కువగా ఆందోళన చెందుతున్న విషయాన్ని గుర్తించింది. సర్వేలో మరో ఆసక్తికరమైన విషయం ఏమిటంటే 63 శాతం మంది తల్లిదండ్రులు తమ పిల్లల అధిక ప్రయాణ అవసరాలకు సొంత వాహనాలపై ఆధారపడుతున్నారు. ఇవన్నీ పరిగణలోకి తీసుకున్న ఊబర్ సంస్థ వీరి కోసం ప్రత్యేకంగా ఈ సేవను తీసుకువచ్చినట్లు వెల్లడించింది. 

పిల్లల తల్లిదండ్రులు తమ పిల్లల కోసం ప్రత్యేక ఉబర్ టీన్ ఖాతాలను సృష్టించుకోవచ్చు. వారు ప్రతి ట్రిప్పును రియల్ టైం లో ట్రాక్ చేయవచ్చు. ప్రయాణం అనంతరం ట్రిప్ రిపోర్టు కూడా అందుకుంటారు. ట్రీన్ అకౌంట్ తో బుక్ చేసిన రైట్స్ ముందుగానే నిర్ణయించిన గమ్యస్థానానికి మాత్రమే వెళ్తాయి. ఇందులో డ్రైవర్లు మార్గాన్ని మార్చలేరు. పూర్తి బ్యాక్ గ్రౌండ్ చెక్ చేసిన, మంచి రేటింగ్ ఉన్న డ్రైవర్లనే ఉబర్ టీన్ సేవకు ఎంపిక చేస్తారు. పిన్ వెరిఫికేషన్, రైడ్ చెక్, రియల్ టైం ట్రాకింగ్ వంటి భద్రతా ఫీచర్లు ఆన్, ఆఫ్ చేయలేని విధంగా ఉంటాయి. అదనంగా టీనేజ్ రైడర్లు తమ భద్రత కోసం ఆడియో రికార్డింగ్ ఆప్షన్ ను ఎనేబుల్ చేసుకునేందుకు అవకాశం ఉంది. ఇందులో అదనపు ఫీచర్ల విషయానికి వస్తే తల్లిదండ్రుల అనుమతితో 13 నుంచి 17 ఏళ్ల మధ్య వయసు గల ఇతర స్నేహితులు కూడా టీన్ రైడ్ తో ప్రయాణించవచ్చు. తల్లిదండ్రుల అనుమతితో 13 నుంచి 17 సంవత్సరాల మధ్య వయసు గల ఇతర స్నేహితులు దీనిలో ప్రయాణించేందుకు అవకాశాన్ని ఈ సంస్థ కల్పిస్తోంది.

అయితే అందరూ వెనుక సీట్లో కూర్చోవాల్సి ఉంటుంది. సీటు బెల్టు తప్పనిసరిగా ధరించాలి. అవసరమైతే తల్లిదండ్రులు తమ పిల్లల కోసం స్వయంగా ట్రిప్ బుక్ చేసుకునే అవకాశాన్ని ఈ సంస్థ కల్పిస్తోంది. టీనేజ్ రైడర్ 18 సంవత్సరాలు చేరుకున్న తర్వాత వారి అకౌంట్ సాధారణ ఉబర్ ఖాతాగా మారుతుంది. అయితే ఫ్యామిలీ ప్రొఫైల్ లో కొనసాగిస్తే తల్లిదండ్రులు ట్రిప్పులను మానిటర్ చేయగలరు. ప్రస్తుతం ఉబర్ ఫర్ టీన్స్ సేవ దేశంలోని 37 ప్రధాన నగరాల్లో అందుబాటులో ఉంది. వీటిలో ఢిల్లీ ఎన్సీఆర్, ముంబై, బెంగళూరు, హైదరాబాద్, చెన్నై, కలకత్తా వంటి నగరాలు ఉన్నాయి. తల్లిదండ్రులు ఈ ఫీచర్ను ఓవర్ యాప్ ను అప్డేట్ చేయడం ద్వారా యాక్సెస్ చేయవచ్చు. ఫ్యామిలీ ప్రొఫైల్ సెట్టింగ్స్ లో యాడ్ ఏ టీన్ ఎంపిక చేసి ఈ సేవను యాక్టివేట్ చేసుకోవచ్చు. ఉబర్ సంస్థ ఈ సేవను మరిన్ని నగరాలకు విస్తరించే ప్రణాళికను సిద్ధం చేస్తోంది. ఇది తల్లిదండ్రులకు ప్రయాణ సౌలభ్యం, పిల్లలకు భద్రతతో కూడిన స్వేచ్ఛను అందించడమే లక్ష్యంగా కొనసాగుతుందని సంస్థ ప్రకటించింది.