ప్రముఖ మొబైల్, ఎలక్ట్రానిక్స్ బ్రాండ్ మోటోరోలా భారత మార్కెట్లో తన ఉత్పత్తులను మరింత విస్తరిస్తూ ముందుకు సాగుతోంది. ఈ క్రమంలోనే సరికొత్త ల్యాప్టాప్ ను భారతీయ మార్కెట్లో విడుదల చేసేందుకు సిద్ధమవుతోంది. ఇప్పటికే తన స్మార్ట్ ఫోన్లు, టాబ్లెట్ ద్వారా విశేష ఆదరణ పొందుతున్న మోటోరోలా.. ఇప్పుడు మరో విభిన్నమైన ఫీచర్లతో మోటో బుక్ 60 లాప్టాప్ ను భారత మార్కెట్లోకి అందుబాటులోకి తీసుకురాబోతోంది. ఏప్రిల్ 17న అధికారికంగా భారత్ మార్కెట్లో దీనిని విడుదల చేయబోతోంది. ఈ సంస్థ ఎందుకు సంబంధించిన ఏర్పాట్లను ఇప్పటికే పూర్తి చేసింది. ఫ్లిప్కార్ట్ లో దీని ప్రత్యేక లాంచ్ పేజీ లైవ్ అయినట్లు కంపెనీ వెల్లడించింది. భారత మార్కెట్లోకి విడుదల కాబోతున్న మోటో బుక్ 60 ఫీచర్లు ఎంతగానో ఆకట్టుకుంటున్నాయి. ఈ మోటో బుక్ 60 ల్యాప్టాప్ ను మోటోరోలా లైట్ వెయిట్ డిజైన్తో రూపొందించింది. దీని బరువు కేవలం 1.4 కిలోలు మాత్రమే. ఇది బ్రోన్జ గ్రీన్, వైడ్జ వుడ్ అనే రెండు ప్రత్యేక పాన్ టోన్ కరెక్టడ్ కలర్  ఆప్షన్లలో లభిస్తోంది.

మోటోరోలా దీనిని All New Mood With All New Hues అనే థీమ్ తో లాంచ్ చేయనుంది. ఈ ల్యాప్టాప్ లో 14 అంగుళాల 2.8 k OLED డిస్ప్లే ఉంది. ఇది 500 నెట్స్ బ్రైట్నెస్ ను అందిస్తుంది. తద్వారా మల్టీమీడియా అనుభవం మరింత రిచ్ గా ఉంటుంది. ఆడియో పరంగా ఈ ల్యాప్టాప్ లో డ్యూయల్ స్టీరియో స్పీకర్స్ ఉంటాయి. ఇవి డాల్బీ ఆటం టెక్నాలజీ ద్వారా మరింత మెరుగైన సౌండ్ అనుభూతిని అందిస్తాయి. ఇక ఈ మోటో బుక్ 60లో ఇంటెల్ కోర్ 7 ప్రాసెసర్ ను ఉపయోగించారు. ఇది శక్తివంతమైన పనితీరును అందిస్తుంది. బ్యాటరీ పరంగా చూస్తే 60Wh సామర్థ్యంతో వస్తోంది. ఇది 65 W ఫాస్ట్ ఛార్జింగ్ సపోర్ట్ ను అందిస్తుంది. ఈ ల్యాప్టాప్ లో స్మార్ట్ కనెక్ట్ అనే ఫీచర్ ఉంది. ఇది ఇతర మోటరోలా పరికరాలతో అంటే టాబ్లెట్, స్మార్ట్ ఫోన్లను అనుసంధానం చేసేందుకు సహాయపడుతుంది. స్మార్ట్ క్లిప్ బోర్డు ద్వారా లాప్టాప్, ఫోన్ లేదా ట్యాబ్లెట్ల మధ్య కంటెంట్ కాపీ పేస్ట్ చేయడం ఎంతో సులభంగా మారుతుంది. ఫైల్ ట్రాన్స్ఫర్ ఫీచర్ ద్వారా డివైసులు మధ్య ఫైల్స్ ను వేగంగా షేర్ చేయవచ్చు. మోటో బుక్ 60 ల్యాప్టాప్ ఫ్లిప్కార్ట్ లో ఎక్స్క్యూటివ్ గా లభించనుంది. ధర ఇతర పూర్తి వివరాలు విడుదల రోజున తెలియనున్నాయి.