వివాహం తరువాత లావెక్కి పోతున్న పురుషుల సంఖ్య పెరుగుతుంది. వివాహానికి ముందు తర్వాత శరీరంలో గణనీయమైన మార్పులు చోటు చేసుకుంటున్న పురుషుల సంఖ్య పెరుగుతుంది. ఇదే విషయాన్ని ఒక అధ్యయనం కూడా వెల్లడించింది. వివాహం కాని వారితో పోలిస్తే పెళ్లి అయిన పురుషుల్లో అధిక బరువు ప్రమాదం 62 శాతం ఎక్కువగా ఉంటుందని పాలాడులోని వర్షాకు చెందిన నేషనల్ ఇన్స్టిట్యూట్ ఆఫ్ కార్డియాలజీ పరిశోధన వెల్లడించింది. మహిళల్లో 39 శాతం మాత్రమే అధిక బరువు ఉంటుందని ఈ అధ్యయనం వెల్లడించింది. పెళ్లి పురుషుల్లో ఊబకాయం సమస్యను మూడు రేట్లు పెంచుతుందని అధ్యయనం వివరించింది. అధిక బరువు అనేది వయస్సుతో ప్రభావితం అవుతుందని గుర్తించారు. పరిశోధకులు మళ్లీ సెంటర్ నేషనల్ పాపులేషన్ హెల్ప్ ఎగ్జామినేషన్ సర్వే నుంచి 2,405 మంది డేటాను పరిశీలించారు. వారి 50 ఏళ్ల వయసులో 35.3 శాతం మంది సాధారణ బరువు కలిగి ఉన్నారు. 38.3 శాతం మంది అధిక బరువు, 26.4 శాతం మంది ఉబకాయంతో ఉన్నారు. అధిక బరువు, వయస్సు, వైవాహక స్థితి, మానసిక ఆరోగ్యం ఇతర అంశాల మధ్య సంబంధం ఉన్నట్లు గుర్తించారు. వివాహమైన మగవాళ్లు సింగిల్ గా ఉన్న పురుషుల కంటే ఊబకాయం బారిన పడే ప్రమాదం 3.2 రేట్లు అధికంగా ఉందని, వివాహిత మహిళలకు ఊబకాయం వచ్చే సమస్య ఎక్కువగా లేదని వెల్లడించారు. పెళ్లయిన తరువాత పురుషులు తినే ఆహార పరిమాణం పెరగడం, బయట తినడం, శారీరక శ్రమ తగ్గడం వంటి కారణాలతో బరువు పెరుగుతున్నారని పరిశోధకులు పేర్కొన్నారు. అయితే సామాజికంగా ఉన్న కొన్ని ఒత్తిళ్ళ కారణంగా మహిళలు శరీర బరువు విషయంలో జాగ్రత్తగా ఉంటారని వెల్లడించారు. 

మరోవైపు ప్రపంచవ్యాప్తంగా 250 కోట్ల మందికి పైగా పెద్దలు పిల్లలు అధిక బరువు లేదా ఊబకాయం సమస్యతో బాధపడుతున్నట్లు అధ్యయనాలు వెల్లడిస్తున్నాయి. 1990 నుంచి ఓబకాయం రేటు రెట్టింపు కంటే ఎక్కువగా ఉంటుందని అధ్యయనాలు వివరిస్తున్నాయి. 2050 నాటికి పిల్లలు మూడోవంతు మంది, వయోజనుల్లో సగానికి పైగా అధిక బరువు లేదా ఊబకాయం బారిన పడతారని లాన్సెట్ అధ్యయనం అంచనా వేసింది. వివాహం తరువాత పురుషుల్లో అధికంగా కేలరీలు తీసుకోవడం, వ్యాయామం లేకపోవడం ఫలితంగా మొదటి ఐదేళ్లలో శరీర ద్రవ్యరాశి సూచిక (బిఎంఐ) పెరుగుతుందని గత ఏడాది ఒక చైనా అధ్యయనం వెల్లడించింది. పెళ్లయిన పురుషులు సాధారణంగా ఒంటరి వాళ్ళ కంటే 1.4 కేజీల బరువు ఎక్కువగా ఉంటారని యూనివర్సిటీ ఆఫ్ బాత్ అధ్యయనం పేర్కొంది. పురుషుల గుండె జబ్బులు, క్యాన్సర్ వంటి కారణాలతో ఆకాల మరణానికి గురయ్యే అవకాశం అధికంగా ఉంటుందని, ఈ పరిస్థితుల్లో బరువు అనేది ఒక కీలక అంశమని మెన్స్ హెల్త్ ఫోరం కన్సల్టెంట్ జోన్ పోలార్డు అన్నారు. ఊబకాయం సమస్యను ఎదుర్కొనేందుకు మరింత లక్ష్యంతో కూడిన విధానాలు అవసరమని నిపుణులు సూచిస్తున్నారు. గడిచిన కొన్నాళ్లుగా అధిక బరువు సమస్యతో బాధపడుతున్న పురుషుల సంఖ్య పెరుగుతూ ఉందన్న విషయాన్ని అనేక అధ్యయనాలు వెల్లడిస్తున్నాయి. దీనికి వివాహం ఒక కారణం అన్న రీతిలో ఈ అధ్యయనం కీలక అంశాలను బయట పెట్టడంతో దీనిపై సర్వత్ర చర్చ జరుగుతోంది.