న్యూ మోడల్‌ బైక్స్‌ అంటే యువత పిచ్చెక్కిపోతుంటారు. అటువంటి అద్భుతమైన ఫీచర్లతో మార్కెట్‌లోకి భిన్నమైన బైక్స్‌ను కవాసకి కంపెనీ తీసుకువస్తుంటుంది. అటువంటి మరో అద్భుతమైన న్యూమోడల్‌ బైక్‌ను ఈ కంపెనీ మార్కెట్‌లోకి తీసుకువచ్చింది. కవాసకి బైక్‌ అంటే యువతలో ఉన్న క్రేజ్‌ వేరు. ఆ క్రేజ్‌ను పతాక స్థాయికి తీసుకెళ్లేలా భిన్నమైన ఫీచర్లతో లేటెస్ట్‌ మోడల్‌బైక్‌ను ఈ సంస్థ తీసుకువచ్చింది. అదే కవాసకి నింజా 650 మోడల్‌. ఈ బైక్‌ను అధికారికంగా కంపెనీ భారత మార్కెట్‌లోకి విడుదల చేసింది. ఈ కొత్త బైక్‌లో ఇంజన్‌, ఇతర టెక్నికల్‌ విషయాల్లో పెద్దగా మార్పులు చేయలేదు. ఈ కంపెనీ. కానీ, అందరినీ ఆకట్టుకునేలా అదిరిపోయే కొత్త కలర్‌ ఆప్షన్‌ను తెచ్చింది. ఈ లేటెస్ట్‌ నింజా 650 ఎక్స్‌ షోరూమ్‌ ధర రూ.7.27 లక్షలుగా నిర్ణయించారు. ఇది పాత మోడల్‌ ధర రూ.7.16 లక్షలు కంటే కొంత ఎక్కువ. అయితే, పాత మోడల్‌ కొనాలకునే వారి కోసం ఒక బంపర్‌ ఆఫర్‌ అందుబాటులో ఉంది.

పాత స్టాక్‌ను క్లియర్‌ చేయడానికి కవాసకి డీలర్లు దీనిపై రూ.25 వేలు వరకు డిస్కౌంట్‌ ఇస్తున్నారు. పాత వెర్షన్‌ను రూ.6.91 లక్షలకే సొంతం చేసుకునే అవకాశం బైక్‌ లవర్స్‌కు లభించింది. 2025 నింజా 650 డిజైన్‌, ఆకారం పాత మోడల్‌ మాదిరిగానే ఉన్నా కొత్త కలర్‌ స్కీమ్‌తో బైక్‌ లుక్‌ పూర్తిగా మారిపోయింది. పాత వెర్షన్‌ కేవలం లైమ్‌ గ్రీన్‌ రంగులో అందుబాటులో ఉండేది. ఇప్పుడు కొత్తగా వచ్చిన మోడల్‌ కూడా ప్రధానంగా గ్రీన్‌ కలర్‌లో ఉన్నా దానిపై తెలుపు, నలుపు రంగుల కలయికతో అదిరిపోయే గ్రాఫిక్స్‌ ఇచ్చారు. ఇది బైక్‌కు మరింత బోల్డ్‌ లుక్‌, స్పోర్టీ ఫీల్‌ను ఇస్తోంది. ఇక ఈ బైక్‌ రైడింగ్‌ విషయానికి వస్తే.. ధృడమైన స్టీల్‌ ట్రెల్లిస్‌ ఫ్రేమ్‌పై నిర్మించారు. దీని బరువు 196 కిలోలు. ఇది 17 అంగుళాల స్టైలిష్‌ అల్లాయ్‌ వీల్స్‌తో వస్తుంది. ముందు వైపు 41 ఎంఎం టెలీ స్కోపిక్‌ ఫోర్క్‌, వెనుకవైపు ప్రీ లోడ్‌ అడ్జస్టబుల్‌ మోనోషాక్‌ సస్పెన్షన్‌ సిస్టమ్‌ ఉంది. ముందువైపు డ్యూయల్‌ 300 ఎంఎం డిస్క్‌ బ్రేకులు, వెనుకవైపు సింగిల్‌ 220 ఎంఎం డిస్క్‌ బ్రేక్‌ ఉన్నాయి. ఇది ఎక్కువ స్పీడ్‌లో కూడా మంచి కంట్రోల్‌ను అందిస్తాయి. దీంతో బైకర్స్‌కు ఇది సేఫ్టీని కూడా అందిస్తుంది.