మార్కెట్‌లోకి హానర్‌ నుంచి మరో స్మార్‌ఫోన్‌ విడుదలైంది. ఈ ఫోన్‌ గేమింగ్‌ ప్రియులకు గొప్పగా ఉంటుందని ఆ సంస్థ ప్రకటించింది. జీటీ ప్రోను చైనాలో ఇప్పటికే ఆ సంస్థ విడుదల చేసింది. ఈ ఫోన్‌ అత్యాధునిక ఫీచర్లతో గేమింగ్‌ ప్రియులకు ప్రత్యేకంగా రూపొందించబడింది. ఈ హానర్‌ GT Pro 6.78 అంగుళాల 10.5k LTPO OLED  డిస్‌ప్లేతో వస్తుంది. ఇది 144 Hz రిప్రెష్‌ రేట్‌, 4320 Hz PWM డిమ్మింగ్‌, HDR10 + సపోర్ట్‌ను కలిగి ఉంది. ఈ డిస్‌ ప్లే జర్మన్‌ రైన్‌ TUV గ్లోబల్‌ ఐ ప్రొటెక్షన్‌ 4.0 సర్టిఫికెషన్‌ను పొందింది. ఈ ఫోన్‌లో స్నాప్‌ డ్రాగన్‌ 8 ఎలైట్‌ లీడింగ్‌ ఎడిషన్‌ ప్రాసెసర్‌ను ఉపయోగించారు. ఇది 4.47 GHz వరకు క్లాక్‌ స్పీడ్‌ను అందిస్తుంది. ఇది 12 GB లేదా 16 GB LPDDR5 X RAM, 256 GB, 512 GB లేదా 1TB UFS 4.1 స్టోరేజ్‌ ఆప్షన్‌తో అందుబాటులో ఉంది. హానర్‌ GT Pro 50 MP ప్రధాన కెమెరా, 50 MP ఆల్ర్టా వైడ్‌ కెమెరా, 200 ఎంపీ టెలీఫొటో కెమెరా, (3 x  ఆప్టికల్‌ జూమ్‌, 50 x డిజిటల్‌ జూమ్‌) ఉన్నాయి.

ఫ్రంట్‌లో 50 MP సెల్ఫీ కెమరా వస్తుంది. ఇది 4k 60 fps వీడియో రికార్డింగ్‌ను సపోర్ట్‌ చేస్తుంది. ఈ ఫోన్‌ 7200 mAh బ్యాటరీ సామర్థ్యంతో వస్తుంది. ఇది 90W వైర్డ్‌ సూపర్‌ చార్జ్‌ ఫాస్ట్‌ చార్జింగ్‌ను సపోర్ట్‌ చేస్తుంది. ఇక ఇతర ముఖ్యమైన ఫీచర్ల గురించి చూస్తే.. ఇందులో IP68, IP69 రేటింగ్‌తో డస్ట్‌ అండ్‌ వాటర్‌ రెసిస్టెన్స్‌ కలిగి ఉంది. అలాగే, ఆల్ర్టాసోనిక్‌ ఫింగర్‌ ప్రింట్‌ సెన్సార్‌, డ్యూయల్‌ స్టీరియో స్పీకర్లు డీటీఎస్‌ X అల్ట్రా సౌండ్‌ ఎఫెక్ట్స్‌తో, 5G వైఫై 7, బ్లూటూత్‌ 5.4, NFC, USB టైప్‌ C కనెక్టివిటీ ఉన్నాయి. హానర్‌ జీటీ ప్రో చైనాలో ఐస్‌ క్రిస్టల్‌ వైట్‌, ఫాంటమ్‌ బ్లాక్‌, బర్నింగ్‌ స్పీడ్‌ గోల్డ్‌ మూడు రంగుల్లో అందుబాటులో ఉంది. దీని ధరలు విజయానికి వస్తే 12 జీబీ ప్లస్‌ 256 జీబీ - 3699 యువాన్స్‌ (సుమారు రూ.43,250), 12 జీబీ ప్లస్‌ 512 జీబీ - 3999 యువాన్స్‌ (సుమారు రూ.46,755), 16 జీబీ ప్లస్‌ 512 జీబీ - 4299 యువాన్స్‌ (సుమారు రూ.50,265), 16 జీబీ ప్లస్‌ ఐ టీబీ - 4799 యువాన్స్‌ (సుమారు రూ.56,110) గా నిర్ణయించారు.