ఏపీలోనే కోటమి ప్రభుత్వం కీలక నిర్ణయం తీసుకుంది. తొలిసారిగా వాట్సాప్ గవర్నెన్స్ ప్రారంభించింది. ఈ వాట్సాప్ గవర్నెన్స్ లో భాగంగా 161 రకాల సేవలను అందుబాటులోకి తీసుకురావాలని ప్రభుత్వం నిర్ణయించింది. ఇందులో భాగంగా ఇంటర్ హాల్ టికెట్లు వాట్సాప్ లో డౌన్లోడ్ చేసుకునే సౌకర్యాన్ని ప్రభుత్వం తాజాగా విద్యార్థులకు కల్పించింది. ఇది విద్యార్థులకు ఎంతో మేలు చేకూర్చే నిర్ణయంగా పేర్కొంటున్నారు. దేశంలోనే తొలిసారిగా ఆంధ్రప్రదేశ్ ప్రభుత్వం వాట్సాప్ గవర్నెన్స్ ప్రారంభించింది. జనవరి 30వ తేదీన మనమిత్ర పేరుతో రాష్ట్ర ఐటీ శాఖ మంత్రి నారా లోకేష్ ఈ సేవలను ప్రారంభించారు. ఇంద్ర గంగా వివిధ ప్రభుత్వ శాఖలకు సంబంధించిన 161 రకాల సేవలను ప్రజలు పొందవచ్చు. దీనివల్ల ప్రభుత్వ కార్యాలయాలు చుట్టూ ప్రజలు తిరగాల్సిన అవసరం ఉండదు. నేరుగా వాట్సాప్ నుంచి వివిధ రకాల ధ్రువపత్రాలు, సర్టిఫికెట్లు పొందేందుకు అవకాశం ఉంటుంది. నిరక్షరాశుల నుంచి వాయిస్ మెసేజ్ ద్వారా అర్జీలు, ఫిర్యాదులు వంటలు స్వీకరించేందుకు కూడా వాట్సాప్ గవర్నెన్స్ ఉపయోగపడనుంది.

ఈ క్రమంలోనే ఇంటర్ విద్యార్థులకు ఉపయోగపడేలా ప్రభుత్వం ఈ కీలక నిర్ణయాన్ని తీసుకుంది. ఇంటర్ హాల్ టికెట్లు వాట్సాప్ లో డౌన్లోడ్ చేసుకునే అవకాశాన్ని ప్రభుత్వం కల్పించింది. ఫీజుల కోసం విద్యార్థులు, తల్లిదండ్రులపై ప్రైవేటు కాలేజీ యాజమాన్యాలు ఒత్తిడి తెచ్చే అవకాశం ఉన్న నేపథ్యంలో ప్రభుత్వం ఈ నిర్ణయాన్ని తీసుకున్నట్లు తెలుస్తోంది. ప్రభుత్వం తీసుకువచ్చిన మనమిత్ర వాట్సాప్ నెంబర్ 9552300009 నెంబర్ ద్వారా ఇంటర్ పరీక్షలు హాల్ టికెట్లు డౌన్లోడ్ చేసుకునే అవకాశం కల్పించింది. ఏపీలో మార్చి ఒకటో తేదీ నుంచి ఇంటర్ పరీక్షలు ప్రారంభంకానున్నాయి. మార్చి 20వ తేదీ వరకు ఇంటర్మీడియట్ పరీక్షలు జరగనున్నాయి. పరీక్షల నేపథ్యంలో హాల్ టికెట్లు కాలేజీలకు వెళ్లి తీసుకోవడం విద్యార్థులకు ఇబ్బందిగా మారుతున్న విషయం తెలిసిందే. అనేక కాలేజీ యాజమాన్యాలు ఫీజులు చెల్లించలేదని విద్యార్థులకు హాల్ టికెట్లు ఇవ్వడం నిరాకరిస్తుంటాయి. దీనివల్ల విద్యార్థులు, తల్లిదండ్రులు తీవ్ర ఒత్తిడికి గురవుతుంటారు. ఈ సమస్య నుంచి పరిష్కారాన్ని చూపించే ఉద్దేశంతోనే దానికి వాట్సాప్ లో విద్యార్థులకు హాల్ టికెట్లు ఇచ్చే సదుపాయాన్ని ప్రభుత్వం తీసుకువచ్చింది.