ఏపీ ఉప ముఖ్యమంత్రి పవన్ కళ్యాణ్ తాను ప్రాతినిధ్యం వహిస్తున్న పిఠాపురం నియోజకవర్గ అభివృద్ధికి సంబంధించి కీలక నిర్ణయం తీసుకున్నారు. ఈ నియోజకవర్గాన్ని అభివృద్ధి దిశగా తీసుకువెళ్లే ఉద్దేశంతో ఆయన ప్రత్యేక ప్రణాళికలు రచిస్తున్నారు. పిఠాపురం డెవలప్మెంట్పై అమరావతిలో అధికారులతో ఆయన సమీక్ష సమావేశాన్ని ఇప్పటికే నిర్వహించారు. పిఠాపురం నియోజకవర్గంలో ప్రధానంగా నెలకొన్న సమస్యలను పరిష్కరించే అధిక చర్యలు చేపట్టాలని ఆయన నిర్ణయించుకున్నట్లు తెలుస్తోంది. ముఖ్యంగా శాంతి భద్రతలు, వేసవికాలంలో నీటి అద్దటి నివారణకు తీసుకుంటున్న చర్యలు వంటి వాటిపై అధికారులకు ఆయన కీలక సూచనలు చేసినట్లు తెలుస్తోంది. ఇకపై ప్రతివారం నియోజకవర్గ అభివృద్ధిపై రివ్యూ చేయాలని పవన్ కళ్యాణ్ నిర్ణయించారు. అలాగే సొంత నియోజకవర్గంలోని శాంతి భద్రతల అంశం పైన ప్రత్యేకంగా పవన్ కళ్యాణ్ ఆరా తీసినట్లు చెబుతున్నారు. పిఠాపురంలో పోలీసుల వ్యవహారాలపై పత్రికల్లో వచ్చిన కథనాలను ఈ సందర్భంగా ఆయన సమీక్ష సమావేశంలో ఉన్నతాధికారుల వద్ద ప్రస్తావించినట్లు చెబుతున్నారు. పిఠాపురం నియోజకవర్గానికి సంబంధించి తన దృష్టికి వచ్చిన కొన్ని అంశాలను ఆయన పేషీ అధికారులకు వివరించి వాటిని వెంటనే జిల్లా పోలీస్ యంత్రాంగం దృష్టికి తీసుకువెళ్లాలని సూచించారు. పిఠాపురం సెగ్మెంట్లోని నాలుగు పోలీస్ స్టేషన్లోని పరిస్థితులపై ఇంటిలిజెన్సీ నివేదిక తీసుకోవాలని అధికారులను పవన్ కళ్యాణ్ ఆదేశించడం ఇప్పుడు ఆసక్తిని రేపుతోందే. 

పవన్ కళ్యాణ్ గత ఎన్నికల్లో పిఠాపురం నియోజకవర్గం నుంచి భారీ మెజారిటీతో విజయం సాధించారు. భవిష్యత్తులో కూడా ఆయన పిఠాపురం నియోజకవర్గం నుంచి ఏర్పాటు చేసే అవకాశాలు ఉన్నాయి. ప్రస్తుత ముఖ్యమంత్రి చంద్రబాబునాయుడు కుప్పం, వైయస్ జగన్మోహన్ రెడ్డికి పులివెందుల సలహాలు పవన్ కళ్యాణ్ పిఠాపురం నియోజకవర్గాన్ని అభివృద్ధి చేయడంతో పాటు ఇక్కడి నుంచి రాజకీయ కార్యకలాపాలను కొనసాగించాలన్న ఉద్దేశంలో ఉన్నట్లు చెబుతున్నారు. భవిష్యత్తులో కూడా ఈ తరహా రాజకీయాలను చేయాలంటే నియోజకవర్గాన్ని పూర్తిగా అభివృద్ధి చేసిగా తీసుకువెళ్లాలని అభిప్రాయం ఆయనలో కనిపిస్తోంది. అందుకు అనుగుణంగానే ఆయన నియోజకవర్గ అభివృద్ధికి సంబంధించిన ప్రత్యేక ప్రణాళికలను సిద్ధం చేసినట్లు తెలుస్తోంది. ఈ క్రమంలోనే ప్రతి వారం నియోజకవర్గానికి సంబంధించి సమస్యలపై రివ్యూ నిర్వహించేందుకు ఒకరోజు కేటాయించనున్నారు. అవినీతికి పాల్పడుతున్న పోలీసు అధికారులు కారణంగా హోం శాఖ చులకన అవుతుందని తాజాగా ఆయన కీలక వ్యాఖ్యలు చేశారు. కాబట్టి ఈ శాఖ ప్రక్షాళనపై ఆయన ప్రత్యేకంగా దృష్టి సారించినట్లు చెబుతున్నారు.

రానున్న రోజుల్లో నియోజకవర్గ అభివృద్ధికి సంబంధించి ప్రజల అభిప్రాయాలను కూడా ఆయన పరిగణలోకి తీసుకునే అవకాశం ఉంది.  పవన్ కళ్యాణ్ ఆదేశాలతో పిఠాపురం పరిధిలోని శాంతి భద్రతల అంశాన్ని ఏపీ డీజీపీ దృష్టికి తీసుకువెళ్తామని పిఠాపురం అర్బన్ డెవలప్మెంట్ అధికారులు ఇప్పటికే ప్రకటించారు. మరవైపు పిఠాపురం అభివృద్ధి కార్యక్రమాలకు పురోగతిని అధికారులు క్షేత్రస్థాయిలో పర్యటించి తెలుసుకోవాలని పవన్ కళ్యాణ్ సూచించారు. ఏది ఏమైనా పవన్ కళ్యాణ్ పిఠాపురం నియోజకవర్గం నుంచి గెలిచిన తర్వాత అనేక అభివృద్ధి కార్యక్రమాలను చేపట్టేందుకు ప్రత్యేక శ్రద్ధ చూపెడుతుండడం పట్ల ప్రజలు ఆనందాన్ని వ్యక్తం చేస్తున్నారు. రానున్న రోజుల్లో మోడల్ నియోజకవర్గంగా పిఠాపురాన్ని తీర్చిదిద్దుతానని గతంలోనే పవన్ కళ్యాణ్ ప్రకటించారు. ఆ దిశగా అనేక కార్యక్రమాలను ఆయన ప్రారంభిస్తుండడంతో ప్రజలు కొంత హర్షాన్ని వ్యక్తం చేస్తున్నారు. ఏళ్ల తరబడి నెలకొన్న కొన్ని సమస్యలను కూడా పవన్ కళ్యాణ్ పరిష్కరించాలని పలువురు ప్రజలు కోరుతున్నారు. ఈ విషయాన్ని కూడా స్థానిక నాయకులు పవన్ కళ్యాణ్ దృష్టికి తీసుకువెళ్లాలని వాదంతా కోరుతున్నారు.