కరోనా వైరస్ ప్రపంచాన్ని భయాందోళనలకు గురిచేసింది. ఈ వైరస్ చైనాలో పుట్టి ప్రపంచవ్యాప్తంగా వ్యాప్తి చెంది కోట్లాదిమంది మరణాలకు కారణమైంది. ఈ వైరస్ వ్యాప్తి చెందిన తర్వాత నుంచి చైనా పేరు వింటేనే చాలు ప్రపంచ దేశాలు భయాందోళన చెందుతున్న పరిస్థితి. అటువంటి చైనాలో మరో ప్రాణాంతక వైరస్ వ్యాప్తి చెందుతుందన్న వార్తలు ఆందోళనలకు గురిచేస్తున్నాయి. ప్రపంచాన్ని ఐదేళ్లపాటు గద్వాంసానికి గురిచేసిన కరోనా వైరస్ మిస్టరీ నుంచి ఇప్పుడిప్పుడే అనేక దేశాలు కోరుకుంటున్నాయి. ఈ పరిస్థితుల్లో అక్కడ మరో వైరస్ వ్యాప్తి చెందుతుందన్న వార్తలు ఆందోళనకు గురి చేస్తున్నాయి. చైనాలో శరవేగంగా ప్రస్తుతం వ్యాప్తి చెందుతున్నట్లు చెబుతున్న వైరస్ పేరు హ్యూమన్ మెటనిమో వైరస్(HMPV) గా చెబుతున్నారు. ఇది ఆర్ఎన్ఏ వైరస్ గా నిపుణులు పేర్కొంటున్నారు. ఈ వైరస్ న్యుమోవిరిడే, మెటాపున్యోమో వైరస్ జాతికి చెందినదిగా పేర్కొంటున్నారు. ఈ వైరస్ బారిన పడిన చైనా ప్రజలు పెద్ద సంఖ్యలో ఆసుపత్రుల్లో చేరుతున్నట్లు అక్కడ మీడియా కథనాలు వెల్లడిస్తున్నాయి. హెచ్ఎంపివీతోపాటు ఇన్ఫ్లుయెంజా ఏ, మైకో ప్లాస్మా, నిమోనియా, కోవిడ్ 19 వైరస్లు కూడా వ్యాప్తి చెందుతున్నట్లు జోరుగా ప్రచారం జరుగుతుంది. ఎమర్జెన్సీ కూడా ప్రకటించినట్లు చెబుతున్నారు.

అయితే దీనిపై స్పష్టత రావాల్సి ఉంది. ఈ వైరస్ ఓపెన్ వారిలో కోవిడ్ తరహా మాదిరిగానే లక్షణాలు కనిపిస్తున్నట్లు చెబుతున్నారు. శ్వాసకోస ఇన్ఫెక్షన్లతో బాధపడుతున్న పిల్లల నమూనాలను అధ్యయనం చేస్తున్నట్లు డచ్ పరిశోధకులు 2001లో దీన్ని మొదటిసారిగా గుర్తించినట్లు చెబుతున్నారు. అంటే దాదాపు ఆరు దశాబ్దాలుగా మనుగడలో ఈ వైరస్ ఉన్నట్లు తెలుస్తోంది. చైనా నుంచి కరోనా వైరస్ విధ్వంసం సృష్టించి ఐదేళ్ల తర్వాత ఈ మిస్టరీ వైరస్ ప్రస్తుతం ప్రబలతోంది. ఇదే ఇప్పుడు చైనా తో పాటు ప్రపంచ దేశాలను ఆందోళనకు గురిచేస్తుంది. ఈ వైరస్ ఏ స్థాయిలో వ్యాప్తి చెందుతుంది అన్నదానిపై ఇప్పటికి స్పష్టత లేదు. చైనా ప్రభుత్వం కూడా దీనిపై ఎటువంటి ప్రకటనను విడుదల చేయలేదు. వైరస్ వ్యాప్తికి సంబంధించిన అంశాలను అక్కడి ఆరోగ్య శాఖ అధికారులు పరిశీలిస్తున్నట్లు తెలుస్తోంది. ప్రస్తుతం ఈ వైరస్ వ్యాప్తి చెందుతున్న నేపథ్యంలో ప్రజలు మాస్కులు ధరించాలని తరచూ చేతులు కడుక్కోవాలని వైద్య అధికారులు సూచనలు జారీ చేస్తున్నారు. కరోనా వైరస్ అనుభవాలను దృష్టిలో ఉంచుకొని చైనా ముందస్తు నియంత్రణ జాగ్రత్తలను తీసుకుంటుంది. అయితే చైనాలో నెలకొన్న ప్రస్తుత పరిస్థితులను ప్రపంచ దేశాలు కూడా క్షుణ్ణంగా పరిశీలిస్తున్నాయి. ఆందోళనకరంగా అనిపిస్తే మాత్రం ప్రపంచ దేశాలు అప్రమత్తమయ్యే అవకాశం ఉంది. వరల్డ్ హెల్త్ ఆర్గనైజేషన్ కూడా ఎక్కడ వ్యాప్తి చెందుతున్న వైరస్ కు సంబంధించిన అంశాలను తెలుసుకుంటున్నట్లు తెలుస్తోంది. కొద్దిరోజుల్లోనే దీనిపై కీలక ప్రకటన విడుదల అయ్యే అవకాశం ఉందని చెబుతున్నారు.