వాట్సప్ వినియోగించే వినియోగదారుల అభిరుచులు, ఆకాంక్షలకు అనుగుణంగా వాట్సాప్ లో మార్పులు, చేర్పులు చేస్తున్నారు. ఇటీవల కాలంలో వాట్సప్ వినియోగిస్తున్న వారి అవసరాలకు అనుగుణంగా అదనపు ఫీచర్లను తీసుకువస్తున్నారు. స్మార్ట్ ఫోన్స్ లో వాట్సాప్ లేని ఫోన్ లేదంటే అతిశయోక్తి కాదేమో. కోట్లాదిమంది వినియోగిస్తున్న వాట్సాప్ కు అదనపు ఫీచర్లను జోడించడం ద్వారా వినియోగదారులను మరింత ఆకట్టుకోవాలన్నది ఆ సంస్థ యోచనగా కనిపిస్తోంది. అందులో భాగంగానే మెటా యాజమాన్యంలోని వాట్సప్ త్వరలోనే హలో తన ఫ్లాట్ ఫామ్ లో బిల్ పేమెంట్ ఫీచర్ ను ప్రవేశపెట్టే అవకాశం ఉందని ఆండ్రాయిడ్ అధారిటీ నివేదిక పేర్కొంది. ఈ ఫీచర్ కేవలం భారతీయ వినియోగదారుల కోసం  ఉద్దేశించి రూపొందించారని నిపుణులు చెబుతున్నారు. యూజర్లకు వాట్సాప్ మరింత రిచ్ ఫీచర్లను అందుబాటులోకి తీసుకురావాలనే ప్రయత్నంలో భాగంగానే ఈ ఫీచర్ రూపొందించారని తెలుస్తోంది. వాట్సాప్ ద్వారా ఇకపై ప్రజలు తమ యుటిలిటీ బిల్లులను చెల్లించే సదుపాయం ఉంటుంది. దేశంలో 500 మిలియన్లకుపైగా వాట్సప్ యూజర్లకు ఇది చాలా పెద్ద అప్ డేట్ అని టెక్ నిపుణులు పేర్కొంటున్నారు. ప్రస్తుతం ఈ ఫీచర్ ఆండ్రాయిడ్ యూజర్లు లేటెస్ట్ బీటా వెర్షన్లు పరీక్షల దశలో ఉంది. 

వాట్సాప్ బిల్ పేమెంట్ ఫీచర్ ద్వారా యూజర్లు విద్యుత్ బిల్లులు, మొబైల్ ప్రీపెయిడ్ రీఛార్జిలు, ఎల్పిజి గ్యాస్ చెల్లింపులు, వాటర్ బిల్స్, అద్దె చెల్లింపులు, ల్యాండ్ లైన్ బిల్లులు వంటి చెల్లింపులను వాట్సప్ యాప్ ద్వారానే చేసే సౌలభ్యం ఉంటుంది. ఈ ఫీచర్ను కొద్ది రోజుల్లోనే అందుబాటులోకి తీసుకువచ్చే పనిలో మెటా ఉంది. సాధారణ స్థాయి వినియోగదారులను ఆకట్టుకోవడమే లక్ష్యంగా ఈ బిల్ పేమెంట్ ఫీచర్ రూపొందిస్తున్నారు. వినియోగదారుల కోసం వాట్సాప్ లో ఈ ఫీచర్ అందరికీ అందుబాటులోకి వచ్చే సమయానికి బిల్ పేమెంట్స్ మరిన్ని ఫీచర్స్ అందుబాటులోకి వస్తాయని అంచనా వేస్తున్నారు. ప్రస్తుతానికి వాట్సాప్ భారతదేశంలోని తన వినియోగదారులను యూపీఐ ద్వారా కాంటాక్ట్ లకు డబ్బు పంపడానికి, వ్యాపారాలకు చెల్లింపులు చేయడానికి అనుమతిస్తుంది. వాట్సాప్ కొత్త బిల్లు చెల్లింపు వ్యవస్థ ఫ్యూచర్ ఈ సేవలకు పొడిగింపుగా భావిస్తున్నారు. ఈ కొత్త ఫీచర్ ఎప్పుడు ప్రారంభిస్తారో తెలియాల్సి ఉంది. ఈ ఏడాది చివరినాటికి వినియోగదారులకు అందుబాటులోకి వస్తుందని అంచనా వేస్తున్నారు. నేషనల్ పేమెంట్స్ కార్పొరేషన్ ఆఫ్ ఇండియా ఇటీవల వాట్సప్ పే యూజర్ ఆన్ బోర్డింగ్ పై పరిమితిని ఎత్తివేసింది. దీంతో దేశంలోని 500 మిలియన్ల కంటే వినియోగదారులకు వాట్సాప్ ఆర్థిక సేవలను అందించగలదు.