హిందూ శాస్త్రంలో, పిల్లలు, వృద్ధులు, పురుషులకే కాకుండా మహిళలకు కూడా కొన్ని నియమాలు ఉన్నాయి. శాస్త్రంలో స్త్రీలు ఈ నియమాలను పాటించడం చాలా ముఖ్యం. హిందూ మతంలోని విశ్వాసం ప్రకారం, కొన్ని ప్రదేశాలకు వెళ్లేటప్పుడు స్త్రీలు తమ జుట్టును విరబోయకూడదు. ఈ 4 ప్రదేశాలకు వెళ్ళేటప్పుడు, స్త్రీలు తమ జుట్టును కట్టుకోవాలి.

గుడికి వెళ్ళేటప్పుడు:

హిందూ మతంలోని విశ్వాసం ప్రకారం, దేవాలయాలను సందర్శించేటప్పుడు మహిళలు తమ జుట్టును కట్టుకోవాలి. తల వెంట్రుకలు వదిలి దేవాలయాలకు వెళ్లడం మంచిది కాదు. దీని వల్ల మీరు జీవితంలో సమస్యలను ఎదుర్కోవలసి వస్తుంది. కాబట్టి దేవాలయాలకు వెళ్లేటప్పుడు తల వెంట్రుకలను కట్టుకోవాలి.

దేవుని గది:

ఏ ఇంటికైనా దేవుడి గది ప్రధానం. ఈ ప్రదేశంలో  దేవతలను శ్రద్ధ - భక్తితో పూజిస్తారు. దేవుని గదిలో దేవతలు  ఉంటారని నమ్ముతారు. మత గ్రంధాల ప్రకారం, మహిళలు ఇంట్లో లేదా ఇంటి వెలుపల ఏదైనా మతపరమైన కార్యక్రమంలో పాల్గొనేటప్పుడు లేదా దేవుని గదిలోకి ప్రవేశించేటప్పుడు జుట్టును విరబోసుకుని వెళ్లకూడదు. వెంట్రుకలను విరబోసుకుని ఇలాంటి ప్రదేశాలకు వెళ్లడం శ్రేయస్కరం కాదు.

వీటిని చేస్తున్నప్పుడు మీ జుట్టును కట్టుకోండి:

శివ పురాణం, భాగవత పురాణం, భజన లేదా సత్సంగం వంటి ఏదైనా మతపరమైన కార్యక్రమాలకు హాజరైనప్పుడు మహిళలు తల వెంట్రుకలు విరబోసుకుని కూర్చుకోకూడదు. అలాంటి దేవుడి నామాలు, మంత్రాలు చదువుతున్నప్పుడు లేదా వింటున్నప్పుడు తల వెంట్రుకలు కట్టుకోవాలి. ఇక్కడ మన వస్త్రధారణ సందర్భానికి తగ్గట్టుగా ఉండాలి.

వంటగది:

స్త్రీలు తల వెంట్రుకలతో వంటగదిలోకి ప్రవేశించకూడదు. వంటగదిలో ఆహారాన్ని తయారు చేయకూడదు. మహిళలు వంటగదికి వెళ్లేటప్పుడు లేదా ఆహారం సిద్ధం చేసేటప్పుడు జుట్టును కట్టుకోవాలి. ఇది ఒకవైపు ఆహారంలో వెంట్రుకలు రాలడానికి కారణమవుతుందని, మరోవైపు అన్నపూర్ణేశ్వరి దేవి ఈ ప్రదేశంలో నివసిస్తుంది. అలాంటి ప్రదేశంలో జుట్టు విరబోసుకుంటే అన్నపూర్ణేశ్వరిదేవికి కోపం వస్తుంది.