|| కుంకుమ బొట్టు||

రోజులు మారుతున్న కొద్దీ మనుషుల్లో మార్పులు కూడా సహజమయ్యాయి. మోడ్రన్ డ్రెస్సులు వేసుకోవడంతోపాటు, మోడ్రన్ గా కనిపించాలని బొట్టు పెట్టుకోవడం పూర్తిగా మానేశారు. పెళ్లయిన, పెళ్లి కాకపోయినా బొట్టు అందంగా ఉండదని పెట్టుకోవడం లేదు. కానీ, హిందూ సనాతన ధర్మంలో బొట్టుకు ఓ ప్రత్యేకమైన ప్రాధాన్యత ఉంది. బొట్టు పెట్టుకోవడం వెనుక శాస్త్రీయ కారణాలు ఎన్నో ఉన్నాయి. బొట్టు ఎందుకు పెట్టుకోవాలి? బొట్టు యొక్క ప్రాధాన్యత ఏమిటో తెలుసుకుందాం 

ముఖ్యంగా బొట్టును రెండు కనుల బొమ్మల మధ్యలో పెట్టుకోవాలి. ఈ రెండు కన్నుల మధ్య స్థాలాన్ని ఆజ్ఞా చక్రం అంటారు. ఇది మానవ శరీరంలో ఆరవ మరియు అత్యంత శక్తివంతమైన చక్రం. ఇది తల, కళ్ళు, మెదడు, పీనియల్ గ్రంధి, పిట్యూటరీ గ్రంధిని కలిగి ఉంటుంది. ఈ స్థలాన్ని శరీరంలోని అన్ని అవయవాల కంటే విద్యుదయస్కాంత తరంగం అధికంగా ఉత్తేజితమవుతుంది. బొట్టు నుదుటికి పెట్టుకోవడం వల్ల మనిషిలో భక్తి, ముక్తి, పొందేందుకు సహాయపడుతుంది. అలాగే బొట్టు పెట్టుకున్న వారిని ఎదుటివారు చూసినప్పుడు వారి పవిత్రత పెరిగి భావన కలిగి గౌరవాన్ని పొందుతారు. అంతేకాదు బొట్టు పెట్టుకోవడం వల్ల మహిళల్లో, పురుషుల్లో శరీరం చల్లగా ఉంటుంది. బొట్టు మనలోని ఏకాగ్రతను పెంచి మెదడుచురుగా పనిచేసేందుకు దోహదపడుతుంది. బొట్టు ఆడవారే కాదు పురుషులు కూడా ధరించాలి. ఆడవారు బొట్టు ధరించడం వల్ల సంతానం వేగంగా కలిగే అవకాశం ఎక్కువగా ఉందని శాస్త్రాలు చెబుతున్నాయి. తలనొప్పిని కూడా తగ్గించే సామర్థ్యం బొట్టులో ఉందని శాస్త్రాల్లో చెప్పబడింది. బొట్టు జ్ఞాపక శక్తిని పెంచి, ఆలోచన శక్తి విధానం పెంపొందేలా చేస్తోంది. హానికరమైన ప్లాస్టిక్ బొట్టులు పెట్టుకోవడం వల్ల చర్మానికి హానికరమే కాకుండా దానివల్ల కలిగే ప్రయోజనాలు ఏమీ లేవు. బొట్టు పెట్టుకోవడం చాలా ప్రధానమైన అంశం దీనికంటూ ఒక ప్రత్యేకత బొట్టు వలన అనేక ప్రయోజనాలు ఉన్నాయని శాస్త్రాల్లో చెప్పబడుతోంది.