సిరిసంపదలకు అధినేత్రి లక్ష్మీదేవి. అమ్మ కరుణాకటాక్షాల కోసం ఎదురుచూడని వాళ్లు ఉండరు. ఆ తల్లి దృష్టి పడాలని ఎంతోమంది పూజలు, వ్రతాలు చేస్తుంటారు. అయితే, లక్ష్మీదేవి ఏయే స్థానాల్లో నివాసం ఉంటుంది? అమ్మ ప్రీతి కోసం ఏం చేయాలి? అనేది తెలుసుకొంటే.. జీవన విధానంలో కొన్ని మార్పులు చేసుకుంటే లక్ష్మీదేవి అనుగ్రహాన్ని పొందొచ్చు.

- ఇంటి ప్రధాన ద్వారం వద్ద చెప్పులు చిందరవందరగా పడేయవద్దు

- గడప లక్ష్మీ స్వరూపం. అందువల్ల గడపను తొక్కి ఇంట్లోకి రావటం, బయటకు వెళ్లడం, గడపకు అటో కాలు, ఇటో కాలు వేసి నిల్చోవటం వంటివి చేయకూడదు.

- పసుపు, కుంకుమలు ఉన్న గడపలు లక్ష్మీదేవికి స్వాగతం పలుకుతాయి. అందువల్ల ప్రతి శుక్రవారం గడపకు పసుపు, కుంకుమతో అలంకరించాలి.

- ప్రధాన ద్వారం తలుపు మీద ఎర్రని కుంకుమతో స్వస్తిక్ గుర్తు వేస్తే లక్ష్మీ దేవి అనుగ్రహం పొందవచ్చు.

- శుచి, శుభ్రత ఉన్న ఇంటికి లక్ష్మీ దేవి ఆలవాలం. అందువల్ల పనికిరాని, చెడిపోయిన వస్తువులు బయట పాడేయాలి.

- పాడైన గడియారాలు, విరిగిన అద్దాలు, చిరిగిన వస్త్రాలు ఇంట్లో ఉండకూడదు.

- ముగ్గువేసిన వాకిలి ద్వారా లక్ష్మీదేవి ఇంట్లోకి ప్రవేశిస్తుంది. అందువల్ల తెల్లవారుజామునే వాకిలి ఉడ్చి ముగ్గు వేసుకోవాలి.

- ఇల్లాలు అరవకూడదు. నట్టింట్లో చెడు మాటలు మాట్లాడకూడదు. తిట్లు తిట్ల కూడదు.

- భార్యాభర్తలు నిత్యం కొట్టుకొనే ఇంట్లోకి లక్ష్మీదేవి ప్రవేశించదు.

- అబద్ధాలు చెప్పేవాళ్లు, ఇరు సంధ్యలలో తినేవారు, నిద్రించేవారుండే స్థానాల్లో లక్ష్మిదేవి ఉండదు.

- నిజం మాట్లాడుతూ, ధర్మానికి బద్ధులై ఉంటే లక్ష్మీ దేవి ప్రసన్నురాలు అవుతుంది.

- వెండి, బంగారు వంటి లోహల్లో, రత్నాలు, ముత్యాల్లో లక్ష్మీదేవి కొలువై ఉంటుంది.

- ప్రతి శుక్రవారం తలస్నానం చేసి, ఎర్రని వస్త్రాలు, పువ్వులు ధరించి, లక్ష్మీపూజ చేస్తే అమ్మ అనుగ్రహం కలుగుతుంది.

- చిల్లర పైసలు, పువ్వులు, అన్నాన్ని నిర్లక్ష్యంగా పడేసేవారు తల్లి అనుగ్రహాన్ని పొందలేరు.

గమనిక: ఈ సమాచారం ఆధ్యాత్మిక గురువుల ద్వారా సేకరించినది మాత్రమే.