తిరుమల, ఈవార్తలు : తిరుమల తిరుపతి దేవస్థానం (TTD) శ్రీ వేంకటేశ్వరస్వామి వారి దర్శనం కోసం జనవరి నెల కోటా ప్రత్యేక దర్శన టికెట్లను టీటీడీ విడుదల చేసింది. ఇప్పటికే ఆర్జిత సేవా టికెట్లు, అంగ ప్రదక్షిణ టికెట్లు విడుదల చేసిన టీటీడీ.. గురువారం ఉదయం 10 గంటలకు రూ.300 ప్రత్యేక దర్శనం టికెట్లు అందుబాటులో ఉంచింది. వైకుంఠ ద్వార దర్శనం ఉన్నందున జనవరి 10వ తేదీ నుంచి జనవరి 19వ తేదీ వరకు టికెట్లను విడుదల చేయలేదని టీటీడీ ఒక ప్రకటనలో వెల్లడించింది. మిగతా అన్ని రోజులకు టికెట్లు విడుదల చేసినట్టు తెలిపింది. మరోవైపు, ఈ రోజు మధ్యాహ్నం 3 గంటలకు జనవరి నెలకు సంబంధించి అకామిడేషన్ (వసతి) బుకింగ్ ప్రారంభిస్తామని వివరించింది.

తిరుపతి స్థానికులకు అంగ ప్రదక్షిణం సేవా టికెట్లు - శనివారం (26.10.2024) కోసం శుక్రవారం (24.10.2024) ఈ-డిప్

పద్మావతి అమ్మవారి ఆలయం - తిరుచానూర్ - నవంబర్ నెల (రూ.200) 24.10.2024 నుంచి అందుబాటులో

టీటీడీ లోకల్ టెంపుల్స్ సేవా కోటా - నవంబర్ నెల 25.10.2024 నుంచి అందుబాటులో