తిరుమల శ్రీవారి దర్శనానికి వెళ్లేవారికి గుడ్ న్యూస్. తిరుమలలో అక్టోబర్ 4వ తేదీ నుంచి సాలకట్ల బ్రహ్మోత్సవాలను నిర్వహించేందుకు అధికారులు ఏర్పాట్లు చేస్తున్నారు. ఈ క్రమంలోనే తిరుమల శ్రీవారి ఆలయంలో అక్టోబర్ 4వ తేదీ నుంచి 12వ తేదీ వరకు సాలకట్ల బ్రహ్మోత్సవాలను ఘనంగా జరపనున్నట్లు టిటిడీ దేవాస్ధానం అధికారులు తెలిపారు. అక్టోబర్ 3వ తేదీ సాయంత్రం నుంచి నిర్వహించనున్న అంకురార్పణతో ఈ సాలకట్ల బ్రహ్మోత్సవాలు ప్రారంభం కానున్నాయి. ఈ బ్రహ్మోత్సవాల్లో ప్రతిరోజూ ఉదయం 8గంటల నుంచి  రాత్రి 10గంటల వరకు స్వామివారి వాహన సేవలు ఉంటాయని తెలిపారు. ఈ క్రమంలోనే అక్టోబర్ 4వ తేదీ నుంచి 12వ తేదీ వరకు ఏ రోజు ఏ ఉత్సవాలు, వాహనసేవలు ఉంటాయో తెలిపారు. 

అక్టోబర్ 4- సాయంత్రం 5:45 నుంచి 6 గంటల వరకు ధ్వజారోహణం. రాత్రి 9 గంటలకు పెద్ద శేష వాహనం.

అక్టోబర్ 5- ఉదయం 8 గంటలకు చిన్న శేష వాహనం. మధ్యాహ్నం 1 గంటల నుంచి 3 గంటలకు స్నపనం. రాత్రి 7 గంటల నుంచి  హంస వాహనం.

అక్టోబర్ 6-  8 గంటలకు సింహ వాహనం. మధ్యాహ్నం 1 గంటకు స్నపనం. రాత్రి 7 గంటలకు ముత్యపు పందిరి వాహనం.

అక్టోబర్ 7- 8 గంటలకు కల్పవృక్షం వాహనం. మధ్యాహ్నం 1 గంటకు స్నపనం. రాత్రి 7 గంటలకు సర్వ భూపాల వాహనం.

అక్టోబర్ 8-  8 గంటలకు మోహినీ అవతారం. సాయంత్రం 6:30 నుంచి రాత్రి 11:30 గంటల వరకు గరుడ వాహనం.

అక్టోబర్ 9-  8 గంటలకు హనుమంత వాహనం. సాయంత్రం 4 గంటలకు స్వర్ణ రథం. రాత్రి 7 గంటలకు గజ వాహనం.

అక్టోబర్ 10- 8 గంటలకు సూర్యప్రభ వాహనం. రాత్రి 7 గంటలకు చంద్రప్రభ వాహనం.

అక్టోబర్ 11-  7 గంటలకు రథోత్సవం. రాత్రి 7 గంటలకు అశ్వ వాహనం.

అక్టోబర్ 12-  6 నుంచి 9 వరకు చక్రస్నానం. రాత్రి 8:30 నుంచి 10:30 వరకు ధ్వజావరోహణం.