హిందువుల పండగలలో విజయ దశమి ఎంతో ప్రత్యేకమైన పండగ. విజయ దశమి ముందు తొమ్మిది రోజులను శరన్నవరాత్రులు అంటారు. ఈ తొమ్మిది రోజులు దేవిని అత్యంత భక్తి శ్రద్దలతో కొలుస్తారు. అమ్మవారికి ఒక్కో రోజు ఒక్కో రూపంలో అలంకారం చేసి పూజిస్తారు. అంతేకాకుండా తొమ్మిది రోజుల్లో ఒక నైవేద్యాన్ని అమ్మవారికి సమర్పిస్తారు.

మొదటి రోజు: ఈ రోజు అమ్మవారు బాలత్రిపురసుందరి దేవిగా భక్తులకు దర్శనం ఇస్తారు. ఈ రోజు అమ్మవారికి లేత గులాబీ రంగు వస్త్రాన్ని సమర్పిస్తారు. అమ్మవారికి నైవేద్యంగా ఈ రోజు కట్టెపొంగలి సమర్పిస్తారు. ఈ రోజు అమ్మవారికి కుమారి పూజ విశేషంగా నిర్వహిస్తారు.

రెండవ రోజు: ఈ రోజు అమ్మవారు గాయత్రిదేవిగా భక్తులకు దర్శనం ఇస్తారు. ఈ రోజు అమ్మవారికి నారింజ రంగు వస్త్రాన్ని సమర్పిస్తారు. నైవేధ్యంగా పులిహోర నివేదిస్తారు.

మూడవ రోజు: ఈ రోజు అమ్మవారు అన్నపూర్ణ దేవి అలంకరణలో భక్తులకు దర్శనమిస్తారు. అమ్మవారికి లేత పసుపు రంగు వస్త్రాన్ని అలంకరిస్తారు. ఈ రోజు అమ్మవారికి నైవేధ్యంగా కొబ్బరి అన్నం సమర్పిస్తారు.

నాలుగోవ రోజు: ఈ రోజు అమ్మవారు శ్రీ లలితా త్రిపుర సుందరి దేవిగా భక్తులకు దర్శనం ఇస్తారు. అమ్మవారికి ముదురు బంగారు రంగు వస్త్రం సమర్పిస్తారు. ఈ రోజు నైవేధ్యంగా అల్లం గారెలు నైవేధ్యంగా సమర్పిస్తారు.

ఐదవ రోజు: ఐదవ రోజున అమ్మవారు శ్రీ చండీ దేవిగా అలంకరం చేస్తారు. ఈ రోజు అమ్మవారికి ఎరుపు రంగు వస్త్రాన్ని సమర్పిస్తారు. నైవేధ్యంగా రవ్వ కేసరి సమర్పిస్తారు.

ఆరవ రోజు: ఈ రోజు అమ్మవారు శ్రీ మహలక్ష్మి దేవిగా దర్శనమిస్తారు. అమ్మవారికి ముదురు గులాబి రంగు వస్త్రాన్ని సమర్పిస్తారు. ఈ రోజు నైవేధ్యంగా పూర్ణం బూరెలు సమర్పిస్తారు. 

ఏడవ రోజు: ఈ రోజు అమ్మవారు సరస్వతి దేవి రూపంలో భక్తులకు దర్శనమిస్తారు. అమ్మవారికి తెలుపు రంగు వస్త్రాన్ని  సమర్పిస్తారు. నైవేధ్యంగా దధ్దోజనం నివేదిస్తారు.

ఎనిమిదో రోజు: అమ్మవారు ఈ రోజు దుర్గావతారంలో  భక్తులకు దర్శనమిస్తారు. అమ్మవారికి ఎర్రని వస్త్రాన్ని  అలంకారణ చేస్తారు ఈ రోజు అమ్మవారికి నైవేధ్యంగా కూరగాయలతో వండిన అన్నాన్ని నైవేధ్యంగా సమర్పిస్తారు.

తొమ్మిదవ రోజు: ఈ రోజు అమ్మవారు మహిషాసురమర్ధినిగా అవతరం ఇస్తారు. అమ్మవారికి ఆకుపచ్చని రంగు వస్త్రాన్ని సమర్పిస్తారు. నైవేధ్యంగా చక్కర పొంగలి నివేదిస్తారు.