తులసి మొక్క అత్యంత పవిత్రమైనదని హిందూ శాస్త్రాలు  చెబుతున్నాయి.తులసిలో చాలా రకాలు ఉన్నప్పటికీ రెండు రకాలు మాత్రం చాలా పవిత్రమైనవి.  ఒకటి రామ తులసి, మరొకటి శ్యామ తులసి. కొందరు శ్యామ తులసిని పూజిస్తే మరికొందరు రామతులసిని పూజిస్తారు. రామ తులసి ఆకులు ఆకుపచ్చ రంగులో ఉంటాయి.వాటిని గౌరీ అని కూడా పిలుస్తారు. శ్యామ తులసి ఆకుల రంగు నలుపులో ఉంటాయి. ఈ రెండు తులసిలకు వాటి స్వంత ప్రత్యేక ప్రాముఖ్యత ఉంది. ఈ రెండు తులసిలలో రామతులసి ప్రాముఖ్యతను  తెలుసుకుందాం.

ఆర్థిక సమస్యలు:

హిందూ మతంలో, గురువారం విష్ణువు రోజుగా పరిగణిస్తారు. అందుకే ఈ రోజున విష్ణుమూర్తిని పూజిస్తారు. మత విశ్వాసాల ప్రకారం, తులసి మొక్క విష్ణువుకు ఇష్టమైన మొక్క. మీరు గురువారం రామ తులసికి పచ్చి పాలను నైవేద్యంగా సమర్పిస్తే ఆర్థిక సమస్యలకు పరిష్కారం లభిస్తుంది. 

కోరికల నెరవేర్పు:

తులసి  అనుగ్రహం కోసం, మీరు రామ తులసికి 7 సార్లు రక్ష సూత్రాన్ని అంటే కాలవ దారాన్ని కట్టాలి లేదా రక్షా సూత్రంలో ఏడు ముడులు వేసి తులసికి కట్టవచ్చు. ఇది మీకు జీవితంలో చాలా ప్రయోజనాలను ఇస్తుంది. మీ కోరికలన్నీ నెరవేరిన తర్వాత, మీరు తులసి నుండి ఈ రక్షా సూత్రాన్ని తీసివేయవచ్చు. మీ కోరికలన్నీ నెరవేరడానికి ఇది సహాయపడుతుంది.

సంతోషం, శాంతి కోసం :

 మీ ఇంట్లో నిరంతరం కలహాలు ఇబ్బంది పెడుతుంటే.. రామ తులసిని పూజిస్తే మంచి ఫలితం ఉంటుంది. ఇంట్లో కలహాలు తొలగిపోవడానికి 11 రామ తులసి ఆకులను తీసుకుని దానిపై రామ నామం రాయండి. అప్పుడు ఈ ఆకును హనుమంతుడికి సమర్పించండి. ఈ పరిష్కారం మీ ఇంట్లో సంతోషకరమైన, ప్రశాంతమైన వాతావరణాన్ని సృష్టిస్తుంది.

వాస్తు దోషం:

ప్రతి రోజూ సంధ్యా సమయంలో రామ తులసి ముందు పిండి దీపం వెలిగించాలి. తులసి తల్లి అనుగ్రహం పొందడానికి నెయ్యి కలిపిన పిండితో చేసిన దీపాన్ని వెలిగించడం చాలా ముఖ్యం. అలాగే, మీరు వాస్తు దోషాలను వదిలించుకోవడానికి రామతులసి  ఈ పరిహారం చేయవచ్చు.5 రామ తులసి ఆకులను తీసుకొని వాటిని ఒక ఇత్తడి పాత్రలో వేసి, ఆపై నీటితో నింపండి. ఇప్పుడు ఈ నీటిని ప్రతిరోజు తలుపు మీద చిలకరించాలి. ఇలా చేయడం వల్ల మీ ఇంట్లో ఉన్న వాస్తు దోషం తొలగిపోతుంది.