వాస్తు శాస్త్రంలో ఇంట్లో సానుకూల శక్తిని పెంచడానికి, ప్రతికూల శక్తిని తరిమికొట్టడానికి అనేక చర్యలు పేర్కొన్నారు. చాలా సార్లు మనం దేవుళ్ళు, దేవతల విగ్రహాలను తప్పుడు దిశలో లేదా తప్పుడు మార్గంలో ఉంచడం వల్ల ఇంట్లో ప్రతికూల శక్తి ప్రసరణకు దారితీస్తుంది. లక్ష్మీదేవిని సంపదల దేవతగా భావిస్తారు. లక్ష్మీదేవి ఎక్కడ నివసిస్తుందో, ఆ ఇంట్లో ఎప్పుడూ సుఖ సంతోషాలు ఉంటాయని నమ్ముతారు. ఇంట్లో లక్ష్మీ దేవి విగ్రహం లేదా ఫోటో ఎలా ఉంచాలో తెలుసా?

లక్ష్మీదేవి విగ్రహాన్ని ఎక్కడ ఉంచాలి?

ఇంట్లోని పూజగదిలో లక్ష్మీ దేవి విగ్రహాన్ని ఎల్లప్పుడూ గౌరవప్రదంగా ఉంచాలి. మీరు లక్ష్మీదేవి విగ్రహాన్ని నేలపై ఉంచకూడదు. ఇంట్లో పూజగది లేకపోతే, అప్పుడు ఒక టేబుల్ లేదా స్టూల్ పై పెట్టి దానిపై  లక్ష్మీ దేవి విగ్రహాన్ని ప్రతిష్టించవచ్చు.

లక్ష్మీ దేవి విగ్రహాన్ని  గణేశుడి దగ్గర ఎందుకు ఉంచాలి?

సాధారణంగా చాలా ఇళ్లలో గణేశుడితో పాటు లక్ష్మీదేవి విగ్రహాన్ని ఉంచుతారు. కానీ మీరు లక్ష్మీ దేవి విగ్రహాన్ని వినాయకుడి దగ్గర మాత్రమే ఉంచడం తప్పనిసరి కాదు. విష్ణువు, కుబేరునితో పాటు లక్ష్మీ దేవి విగ్రహాన్ని కూడా ఉంచవచ్చు. గణేశుడి విగ్రహంతో పాటు లక్ష్మీ దేవి విగ్రహాన్ని ఉంచినట్లయితే, ఆ విగ్రహాన్ని కుడి వైపున ఉంచాలి. అయితే విష్ణుమూర్తి సమేతంగా లక్ష్మీదేవి విగ్రహాన్ని ఉంచేటప్పుడు ఎడమవైపున ఉంచాలి.

ఇంట్లో లక్ష్మీదేవి విగ్రహాలు ఎన్ని పెట్టుకోవచ్చు: 

పూజ గదిలో ఒకటి కంటే ఎక్కువ లక్ష్మీ దేవి విగ్రహాలను ఉంచకూడదు. ఇంట్లో ఒకటి కంటే ఎక్కువ లక్ష్మీ దేవి విగ్రహాలు ఉంటే ప్రతికూల శక్తి వ్యాప్తి చెందుతుందని నమ్ముతారు.

లక్ష్మీదేవి విగ్రహాన్ని ఏ దిక్కున ఉంచాలి?

శాస్త్రం ప్రకారం, లక్ష్మీ దేవి విగ్రహాన్ని ఇంటికి ఈశాన్య దిశలో ఉంచడం వల్ల ఆనందం, శ్రేయస్సు పెరుగుతుంది. అదే సమయంలో,లక్ష్మీదేవి  విగ్రహాన్ని కూడా వాయువ్య దిశలో ఉంచవచ్చు.

ఏ విధమైన లక్ష్మీ దేవి విగ్రహాన్ని ఉంచకూడదు?

మీ పూజగదిలో   లక్ష్మీ దేవి విగ్రహాన్ని ఉంచాలనుకుంటే, మీరు ఇంట్లో పద్మాసనంపై కూర్చున్న లక్ష్మీ దేవి విగ్రహాన్ని ఉంచాలి. నిలబడి ఉన్న భంగిమలో ఉన్న లక్ష్మీ దేవి విగ్రహాన్ని ఇంట్లో ఉంచకూడదు. లక్ష్మీ దేవి విగ్రహాలను పగలగొట్టకూడదని గమనించండి.