ఏపీలో ఘోర ప్రమాదం జరిగింది. ఫార్మా సెజ్ లోని ఎసైన్షియా అడ్వాన్స్డ్ సైన్సెస్ ప్రైవేట్ లిమిటెడ్ కంపెనీలో మధ్యాహ్నం 2.15 గంటల సమయంలో భారీ పేలుడు సంభవించింది. ఏడంతస్తుల భవనం కుప్పకూలింది. ఈ ఘటనలో 17 మంది మరణించారు. సుమారు 40 ఎకరాల్లో విస్తరించి ఉన్నఈ కంపెనీ ప్రధాన కార్యాలయంలో రియాక్టర్ పేలింది. ఈ ఘటనలో 40 మందికిపైగా గాయపడ్డారు. 

శిథిలాల కింద ఎందరున్నారో తెలియదు. శరీర భాగాలు ఎవరివో తెలియనలేనంత విషాదం నెలకొంది. పరిశ్రమలో జరిగిన ప్రమాదాల్లో హెచ్ పీసీఎల్ తర్వాత ఆ స్థాయిలో కార్మికులు, సిబ్బంది ఈ ప్రమాదంలో మరణించినట్లు చెబుతున్నారు. ఈ భారీ అగ్నిప్రమాదం అంతులేని విషాదాన్నినింపింది. ఎసైన్సియాలని మూడో ఫ్లోర్లో 500కిలోల సామర్థ్యం గల రియాక్టర్ పేలడంతో పెద్దఎత్తున మంటలు చెలరేగాయి. ప్రమాదం ధాటికి పరిసర ప్రాంతాలు భీతావహ పరిస్థితి కనిపించింది. ఈ ఘటనలో గాయపడిన వారిలో ఇద్దరి పరిస్థితి విషమంగా ఉంది. ఈ ఫ్యాక్టరీలో రెండు షిఫ్టులలో 381 మంది ఉద్యోగులు పనిచేస్తున్నారు. ఈ ఘటనలో 17 మంది మరణించగా..ఇంకా 9 మంది ఆచూకీ లభించడం లేదు.