|| ప్రతీకాత్మక చిత్రం ||

లారీలు అదుపుతప్పి ప్రాణాలు కోల్పోతున్న సంఖ్య రోజురోజుకి పెరిగిపోతుంది. తాజాగా ఏపీలోని శ్రీకాకుళం జిల్లా ఆముదాలవలస మండలం మందడిలో ఘోర ప్రమాదం జరిగింది. రోడ్డు పక్కన నడుచుకుంటూ వెళుతున్న ఉపాధి కూలీలను లారీ ఒక్కసారిగా అదుపుతప్పి వారిపై నుండి దూసుకెళ్లింది. ఈ ఘటనలో నలుగురు మహిళలు అక్కడికక్కడే మృతి చెందగా ఒకరికి తీవ్ర గాయాలయ్యాయి. ఈ సమాచారం తెలుసుకున్న పోలీసులు అక్కడికి చేరుకున్నారు. ఒకరి పరిస్థితి విషమంగా ఉండడంతో హుటాహుటిన 108 కి కాల్ చేసి శ్రీకాకుళం సర్వజన హాస్పిటల్లో చేర్చారు. పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.