వరంగల్, ఈవార్తలు : తెలంగాణ ఫోక్ సాంగ్స్‌కు ఉండే క్రేజే వేరు. ఎన్ని పాటలొచ్చినా ఫోక్ సాంగ్స్ యూట్యూబ్‌ను షేక్ చేస్తూనే ఉంటాయి. ఇప్పటి వరకు బతుకమ్మ, తెలంగాణ ఉద్యమం, లవ్ ఫెయిల్యూర్, ఫోక్ డ్యాన్స్.. తదితర పాటలు ప్రజల్లోకి చొచ్చుకుపోయాయి. ఈ మధ్య సినిమాల్లోనూ ఏదో ఒక ఫోక్ సాంగ్ లేకపోతే.. సినిమాకు అంత సీన్‌ లేదు అన్న కామెంట్ వినిపిస్తోంది. అయితే, ఇప్పటి వరకు భార్యాభర్తల మధ్య కామెడీ స్కిట్లు వచ్చినా.. పాటలు అంతగా రాలేదు. ఈ నేపథ్యంలో తిరుపతి దామెర అందించిన భార్యాభర్తల కామెడీ సాంగ్.. ఓ పెనిమిటి. ఈ పాటలో భార్య పడే బాధ, చిరాకు, ఏడుపు, కోపం, చిలిపి చేష్టలు.. ఇలా అన్నీ ఎమోషన్స్ క్యారీ అయ్యాయి. భార్యాభర్తల మధ్య ఉండే చిలిపితనం, కోపాన్నీ అందంగా చూపించారు. వీడియో మేకింగ్, లిరిక్స్ బాగున్నాయి.

ఈ పాటకు తిరు ఫిల్మ్ మేకర్ ఆధ్వర్యంలో మోహన్ మర్రిపల్లి కాన్సెప్ట్, స్క్రీన్ ప్లే, దర్శకత్వం వహించగా, గణేశ్ చెల్పూరి, నిహారిక తిగుళ్ల నటించారు. తిరుపతి దామెర లిరిక్స్ రాయగా, జాన్సీ స్వరం, కేఎన్ఆర్ మ్యూజిక్ అందించారు.