కొన్ని సినిమాలు ఎందుకు తీస్తున్నారో దర్శకుడు, హీరోకు కూడా క్లారిటీ ఉండదేమో..? బ్రాండ్ అనే మోజులో పడి.. కథ కూడా వినకుండా చేస్తుంటారు కొన్నిసార్లు సూర్య రెట్రో సినిమా చూసాక అనిపించింది ఇదే. అసలు కథ ఎక్కడ మొదలైంది.. ఎటు పోతుంది.. ఎక్కడికి వెళ్లి ఆగుతుంది. ఇలా ఒక్కటి కూడా అర్థం కాకుండా తీసాడు కార్తిక్ సుబ్బరాజ్. ఏం చెప్పాలనుకుంటున్నాడో కూడా అర్థమవ్వదు. అయితే మేకింగ్ విషయంలో మాత్రం కార్తిక్ సుబ్బరాజ్ న్యూ స్టైల్ ఫాలో అయ్యాడు. కథ బాగుంటే అది మేకింగ్ హెల్ప్ అవుతుంది కానీ మ్యాటర్ లేకపోతే ఎన్ని మేకప్స్ వేసినా లాభం లేదు. కంగువా నష్టాలు భర్తీ చేయడానికి లో బడ్జెట్‌లో సూర్య ఈ సినిమా చేసాడన్నారు. ఈ సినిమా చూసాక.. దీని నష్టాలు భర్తీ చేయడానికి ఏం చేస్తాడో సూర్య మరి..?

మాఫియా అంటాడు.. గ్యాంగ్ అంటాడు.. నవ్వు రావట్లేదంటాడు.. కోపం వస్తుందంటాడు.. వాటన్నింటికీ ప్రాపర్ రిజనింగ్ కూడా ఉండదు. సింగిల్ సిట్టింగ్‌లో తేల్చే సమస్యను సినిమా  అంతా లాగుతూనే ఉన్నాడు కార్తిక్ సుబ్బరాజ్. బహుశా కార్తిక్ సుబ్బరాజ్ ట్రాక్ రికార్డ్ చూసి రెట్రో ఒప్పుకుని ఉంటాడు సూర్య. తనవరకు బాగానే చేసాడు కానీ ఏం లాభం..? పూజా హెగ్డే గురించి కొత్తగా మాట్లాడుకోడానికి ఏం లేదు. కార్తిక్ సుబ్బరాజ్ గురించి ఇప్పుడు మాట్లాడుకున్నా లాభం ఉండదు.

ఓవరాల్‌గా రెట్రో.. కథ మొదట్లోనే మెట్రో ఎక్కి ఎటెటో వెళ్లిపోయింది.

సమీక్షకుడు: ప్రవీణ్ కుమార్, సీనియర్ ఫిల్మ్ జర్నలిస్టు