Old Wine in New Bottle అంటారు కదా.. బఘీరా విషయంలో అది కూడా జరగలేదు. ప్రశాంత్ నీల్‌కు న్యూ బాటిల్ దొరకలేదనుకుంటా.. అందుకే పాత బాటిల్‌లో అంతకంటే పాత కథ రాసిచ్చాడు. అప్పుడెప్పుడో 24 ఏళ్ళ కింద తెలుగులో వచ్చిన ఆజాద్ సినిమాకు రీమేక్‌లా అనిపిస్తుంది బఘీరా. పాతికేళ్ళ తర్వాత అప్‌డేట్ అయి వచ్చిన ఆజాద్‌లా కనిపించాడు బఘీరా నాకు. ప్రశాంత్ నీల్ బ్రాండ్ వాడుకోడానికే తీసినట్లుంది తప్ప ఎక్కడా కాన్సట్రేషన్ చేసినట్లు లేదు. తీస్తున్నది రొటీన్ కథ అని తెలిసినపుడు.. స్క్రీన్ ప్లే అయినా కొత్తగా ఉండాలి. బఘీరాలో ఈ రెండూ మిస్ అయ్యాయి.. కథ ఎంత పాతదో.. స్క్రీన్ ప్లే అంతకంటే పాతది. ఫస్టాఫ్‌లో కొన్ని సీన్స్ యాక్షన్‌ను ఇష్టపడే వాళ్ళకు ఓకే అనిపిస్తాయి.

కానీ సెకండాఫ్ మాత్రం భరించలేం.. మితిమీరిన హింసకు తోడు రొటీన్ స్క్రీన్ ప్లే బోర్ కొట్టిస్తుంది. శ్రీమురళి స్క్రీన్ మీద చూడ్డానికి బాగున్నాడు.పోలీస్ ఆఫీసర్‌గా సెట్ అయ్యాడు. రుక్మిణి వసంత్ నటన బాగుంది. ప్రశాంత్ నీల్ ఇచ్చిన కథే పాతది అంటే.. దానికి డైరెక్టర్ సూరి మరింత రొటీన్ స్క్రీన్ ప్లే రాసుకున్నాడు.

ఓవరాల్‌గా బఘీరా.. ఆజాద్ 2.0.. ఆకట్టుకోవడం కష్టమే.

సమీక్షకుడు : ప్రవీణ్ కుమార్, సీనియర్ ఫిల్మ్ జర్నలిస్టు