హైదరాబాద్, ఈవార్తలు : కల్కితో హిట్టు కొట్టిన రెబల్ స్టార్ ప్రభాస్ కొత్త సినిమా ప్రారంభం అవుతోంది. క్రియేటివ్ డైరెక్టర్ హను రాఘవపూడి, మైత్రీ మువీ మేకర్ ఆధ్వర్యంలో వస్తున్న పాన్ ఇండియా సినిమాను శనివారం ప్రారంభించారు. హిస్టారికల్ కాన్సెప్ట్‌తో వస్తున్న ఈ సినిమాపై భారీ అంచనాలు నెలకొన్నాయి. ఈ ప్రాజెక్టు ద్వారా సరికొత్త సినిమాటిక్ ఎక్స్‌పీరియెన్స్ అందించబోతున్నట్లు సినిమా నిర్వాహకులు తెలిపారు. డైరెక్టర్ హను రాఘవపూడి ఈ సినిమా కోసం 1940 నాటి పవర్‌ఫుల్ వారియర్ స్క్రిప్ట్‌ను సిద్ధం చేశారట. ప్రభాస్ సరసన ఇన్‌స్టాగ్రామ్ ఇన్‌ఫ్లుయెన్సర్ ఇమాన్వి హీరోయిన్‌గా పరిచయం అవుతోంది. ప్రముఖ నటులు మిథున్ చక్రవర్తి, జయప్రద ఈ సినిమాలో కీలక పాత్రలు పోషించనున్నారు.

అత్యంత భారీ బడ్జెట్‌, హై ప్రొడక్షన్ వాల్యూస్, వరల్డ్ క్లాస్ స్టాండర్డ్స్ తెరకెక్కనున్న ఈ సినిమాను నిర్మాతలు నవీన్ యెర్నేని, వై రవిశంకర్ నిర్మిస్తున్నారు. సుదీప్ ఛటర్జీ ఐఎస్‌సీ డీవోపీగా, విశాల్ చంద్రశేఖర్ సంగీతం అందిస్తున్నారు. రామకృష్ణ - మోనికా ప్రొడక్షన్ డిజైన్‌ను నిర్వహిస్తుండగా, ఎడిటర్‌గా కోటగిరి వెంకటేశ్వరరావును తీసుకున్నారు. త్వరలోనే ఈ సినిమా సెట్స్ పైకి వెళ్లనుంది.