Pushpa 2 The Rule Trailer : పుష్ప 1 సినిమాకు సీక్వెల్‌గా రాబోతున్న పుష్ప 2 ద రూల్ సినిమా ట్రైలర్ ఈ రోజు గ్రాండ్‌గా రిలీజైంది. స్టైలిష్ స్టార్ అల్లు అల్లున్, నేషనల్ క్రష్ రష్మిక మందన్నా జంటగా నటించిన ఈ సినిమా ట్రైలర్‌ను బీహార్ రాజధాని పాట్నాలో భారీ స్థాయి కార్యక్రమం నిర్వహించి లాంచ్ చేశారు. ట్రైలర్‌ చూస్తుంటే.. సినిమాలో అల్లు అర్జున్ అరాచకం సృష్టించాడనే చెప్పాలి. తన నటన లెవెల్‌ను వేరే స్థాయిలో చూపించినట్లు స్పష్టంగా అర్థం అవుతోంది. ట్రైలర్ చూస్తున్నంత సేపు దానిలోనే లీనమైపోతాం. అంటే.. ట్రైలర్‌ను కూడా అద్భుతంగా రూపొందించారు. ఇక రష్మిక మందన్నా డైలాగ్ కూడా అదిరిపోయింది. సాలిడ్ పర్సనాలిటీతో కొన్ని సీన్లు రష్మిక తన హాట్‌నెస్ చూపించింది. పుష్ప అంటే పేరు కాదు.. బ్రాండ్ అని రష్మిక చెప్పే కూడా అదిరిపోయింది. ఎవడ్రా వాడు.. డబ్బంటే లెక్కలేదు.. పవర్ అంటే భయం లేదు.. అంటూ జగపతి బాబు చెప్పిన డైలాగ్ గూస్‌బంప్స్ తెప్పిస్తాయి. పుష్ప నామ్ చోటాహై.. లెకిన్ సౌండ్ బడా హై అంటూ సాగిన మరో డైలాగ్ కూడా హైలైట్ అనిపించింది. సుకుమార్ దర్శకత్వంలో మైత్రి మువీ మేకర్స్ నిర్మాణంలో జగపతి బాబు, ఫహాద్ ఫాజిల్, అనసూయ, సునీల్ తదితరులు నటిస్తున్న ఈ సినిమాకు దేవీశ్రీ ప్రసాద్ సంగీతం అందిస్తున్నారు.