Gold Rate Today: బంగారం కొనుగోలుదారులకు ఇది కచ్చితంగా శుభవార్తే. ఎట్టకేలకు బంగారం ధరలు కాస్త తగ్గుముఖం పట్టాయి. యూఎస్ ఫెడ్ వడ్డీ  రేట్లను తగ్గిస్తుందన్న సంకేతాల మధ్య బంగారం ధరలు వరుసగా పెరిగాయి. గత వారం పదిహేను రోజుల్లో ఒక్కసారి కూడా బంగారం ధరలు తగ్గలేదు. ఈ క్రమంలోనే బంగారం ధర భారీగా పెరిగింది. ఇప్పుడు అంతర్జాతీయ మార్కెట్ల, దేశీయ మార్కెట్లో కూడా బంగారం ధరలు పడిపోయాయి. ఫెడ్ వడ్డీ రేట్లు తగ్గిస్తే డాలర్ బాండ్ ఈల్డ్స్ గిరాకీ పడిపోయి బంగారం ధర పెరుగుతుంది. ఈ సంకేతాలతోనే ఈ మధ్య బంగారం ధరలు పెరిగాయి. ఇప్పుడు అంతర్జాతీయ మార్కెట్లో బంగారం ధరలు తగ్గాయి. దీంతో బంగారం, వెండి ధరలు ఎంత తగ్గాయో చూద్దాం. 

అంతర్జాతీయ మార్కెట్లో బంగారం ధర ప్రస్తుతంఔన్సుకు 2450 ఉంది. అంతకుముందు ఒక దశలో 2470 డాలర్లకు చేరుకుంది. ఇక స్పాట్ సిల్వర్ ధర రూ. 27.65 డాలర్ల దగ్గర కొనసాగుతోంది. ఇదే సమయంలో డాలర్ తో పోల్చితే రూపాయి మారకం విలువ రూ. 83.98వద్దకు చేరుకుంది. 

దేశీయ మార్కెట్లో బంగారం ధరలు కొంత వరకు దగివచ్చాయి. ఢిల్లీలో 22 క్యారెట్ల బంగారం ధర రూ. 100 పడిపోయింది. తులం రూ. 65,700 పలుకుతుండగా..బుధవారం రోజు రూ950 పెరిగింది. నాలుగు రోజుల్లో రూ. 2150 వరకు బంగారం ధర పెరిగింది. ఇప్పుడు తగ్గడం అంతా బంగారం ప్రియులు ఊపిరిపీల్చుకుంటున్నారు. 24క్యారెట్ల బంగారం ధర రూ. 110 పతనం అవ్వడంతో 10 గ్రాములకు రూ. 71,600 వరకు ఉంది. బుధవారం రూ. 1040 పెరిగింది.