ప్రపంచ కుబేరుడు, రిలయన్స్ ఇండస్ట్రీ అధినేత ముఖేష్ అంబానీ గురించి ఎంత చెప్పినా తక్కువే. ఈ మధ్యే తన చిన్న కుమారుడు అనంత్ అంబానీ వివాహానికి డబ్బులు నీళ్లలా ఖర్చు చేసి ప్రపంచ ద్రుష్టిని ఆకర్షించారు. ముఖేశ్ అంబానీ ఫ్యామిలీ ఏం చేసినా అది వైరల్ అవుతుంది. జనాలు కూడా తెలుసుకునేందుకు ఆసక్తి చూపిస్తుంటారు. ముఖేష్ అంబానీ సంపాదన గురించి ప్రత్యేకంగా చెప్పాల్సిన అవసరం లేదు. ఆయన కుటుంబానికి  332.27 కోట్ల షేర్లు లేదా 50.33 శాతం వాటా ఉంది. అతని కుటుంబం 2023-24కి రూ. 3,322.7 కోట్ల డివిడెండ్ ఆదాయాన్ని అందుకుంటారు.

పెట్రోలియం నుండి టెలికమ్యూనికేషన్స్.. రిటైల్ రంగాలలో పని చేస్తున్న రిలయన్స్ ఇండస్ట్రీస్ లిమిటెడ్ (RIL) చైర్మన్ ముఖేష్ అంబానీ వరుసగా నాలుగో సంవత్సరం కూడా ఎలాంటి జీతం తీసుకోలేదు. అయితే ఆసియాలోనే అత్యంత సంపన్నుడైన అంబానీ పిల్లలు దేశంలోనే అత్యంత విలువైన కంపెనీ డైరెక్టర్ల బోర్డులో చేరి ‘సిట్టింగ్ ఫీజు’, ‘కమీషన్’ అందుకున్నారు. సమావేశాలకు హాజరు కావడానికి కంపెనీ డైరెక్టర్ల బోర్డులోని స్వతంత్ర సభ్యులకు 'సిట్టింగ్ ఫీజు' చెల్లిస్తారు. అంబానీ (67) 2008-09 ఆర్థిక సంవత్సరాల నుండి 2019-20 వరకు తన వార్షిక వేతనం రూ.15 కోట్లకు పరిమితం చేశారు.సంస్థ  ఇటీవలి వార్షిక నివేదిక ప్రకారం, అంబానీ 2023-24 ఆర్థిక సంవత్సరంలో జీరో, అలవెన్సులు, పదవీ విరమణ ప్రయోజనాల రూపంలో 'సున్నా' మొత్తాన్ని అందుకున్నాడు. అంబానీ 1977 నుండి రిలయన్స్ డైరెక్టర్ల బోర్డులో ఉన్నారు. జూలై 2002లో తన తండ్రి, గ్రూప్ వ్యవస్థాపకుడు ధీరూభాయ్ అంబానీ మరణించినప్పటి నుండి అంబానీ ఛైర్మన్‌గా ఉన్నారు. 

ఏప్రిల్, 2029 వరకు ఐదేళ్ల పదవీకాలానికి గతేడాది రిలయన్స్ చీఫ్‌గా ముఖేష్ అంబానీ తిరిగి నియమితులయ్యారు. అతను ఈ కాలంలో జీరో జీరో తీసుకోవడాన్ని ఎంచుకున్నాడు. అయితు ముఖేష్ అంబారీ విదేశీ పర్యటనలు ఇతర ఖర్చులకు అర్హులని గతేడాది  పునః నియామకానికి వాటాదారుల ఆమోదం కోరుతూ ప్రత్యేక తీర్మానం పేర్కొంది. ఇందులో జీవిత భాగస్వాములు ఉన్నారు. అంబానీ, ఆయన కుటుంబ సభ్యులకు భద్రత కల్పించడానికి కంపెనీ ఏర్పాట్లు చేస్తుంది. దీని కోసం కంపెనీ భరించే ఖర్చులు పెర్క్విజిట్‌లుగా పరిగణించరని పేర్కొంది. 

అనంత్ అంబానీ జీతం:

ఎగ్జిక్యూటివ్ డైరెక్టర్ పీఎంఎస్ ప్రసాద్ పారితోషికం రూ.17.93 కోట్లకు పెరిగింది.అంబానీ భార్య నీతా అంబానీ ఆగస్టు 28, 2023 వరకు కంపెనీ డైరెక్టర్ల బోర్డులో నాన్-ఎగ్జిక్యూటివ్ డైరెక్టర్‌గా ఉన్నారు. 2023-24కి గాను సిట్టింగ్ ఫీజుగా రూ.2 లక్షలు, కమీషన్ కింద రూ.97 లక్షలు తీసుకున్నారు. అంబానీ ముగ్గురు పిల్లలు ఇషా, ఆకాష్, అనంత్ గత ఏడాది అక్టోబర్‌లో సున్నా జీతంతో డైరెక్టర్ల బోర్డులో నియమితులయ్యారు. ఈ ముగ్గురూ ఒక్కొక్కరికి రూ.4 లక్షలు 'సిట్టింగ్ ఫీజు'గా, రూ.97 లక్షలు 'కమీషన్'గా అందుకున్నారు.