తెలంగాణ స్టేట్ కోఆపరేటివ్ అపెక్స్ బ్యాంక్ నుంచి ఉద్యోగ ప్రకటన వెలువడింది. ఈ నోటిఫికేషన్‌లో భాగంగా.. కోఆపరేటివ్ అపెక్స్ బ్యాంక్ ఇంటర్న్స్ పోస్టులను భర్తీ చేయనుంది. తెలంగాణ స్టేట్ కోఆపరేటివ్ అపెక్స్‌ బ్యాంక్‌ లిమిటెడ్ (TGCAB).. ఒప్పంద ప్రాతిపదికన ఖాళీగా ఉన్న ఇంటర్న్స్ పోస్టుల భర్తీకి దరఖాస్తులను కోరుతోంది. ఈ ప్రకటన ద్వారా 10 ఖాళీలను భర్తీ చేయనుంది. ఇందులో 9 ఖాళీలు డిస్ట్రిక్ సెంట్రల్ కోఆపరేటివ్ బ్యాంక్ (డీసీసీబీ)ల్లో ఉన్నాయి. అర్హత, ఆసక్త గల అభ్యర్థులు ఆఫ్‌లైన్‌ విధానంలో అప్లయ్‌ చేసుకోవాల్సి ఉంటుంది. నవంబర్‌ 30 ఆఫ్‌లైన్‌ దరఖాస్తులకు చివరితేది. అభ్యర్థులు పూర్తి వివరాల కోసం అధికారిక వెబ్‌సైట్‌ https://tscab.org/ చూడొచ్చు. అప్లికేషన్‌ ఫామ్‌ లింక్‌ ఇదే.. క్లిక్‌ చేయండి.

మొత్తం ఖాళీల సంఖ్య: 10

తెలంగాణ స్టేట్ కోఆపరేటివ్ అపెక్స్‌ బ్యాంక్‌ (టీజీసీఏబీ): 01

డిస్ట్రిక్ సెంట్రల్ కోఆపరేటివ్ బ్యాంక్ (డీసీసీబీ): 09

ఇతర ముఖ్యమైన సమాచారం :

విద్య అర్హత: పోస్టులను అనుసరించి సంబంధిత విభాగంలో ఎంబీఏ (మార్కెటింగ్/ కోఆపరేటివ్/ అగ్రి బిజినెస్/ రూరల్ డెవలప్‌మెంట్), పీజీ ఉత్తీర్ణులై ఉండాలి.

వయసు: 21-30 ఏళ్ల మధ్య ఉండాలి.

జీతం: నెలకు రూ.25,000 వరకు వేతనం ఉంటుంది.

పని ప్రదేశాలు: ఆదిలాబాద్, హైదరాబాద్ (Hyderabad), ఖమ్మం, కరీంనగర్, మహబూబ్‌నగర్‌, మెదక్, నల్గొండ, నిజామాబాద్, వరంగల్ ప్రాంతాల్లో పని చేయాల్సి ఉంటుంది.

ఎంపిక ప్రక్రియ: విద్యార్హతల్లో సాధించిన మార్కులు, షార్ట్‌ లిస్ట్ తదితరాల ఆధారంగా అభ్యర్థులను ఎంపిక చేస్తారు.

దరఖాస్తు విధానం: ఆఫ్‌లైన్ దరఖాస్తులను ‘ది డిప్యూటీ జనరల్ మేనేజర్, హ్యుమన్ రిసోర్స్ మేనేజ్‌మెంట్ డిపార్ట్‌మెంట్, ది తెలంగాణ స్టేట్ కోఆపరేటివ్ బ్యాంక్ లిమిటెడ్, ట్రూప్ బజార్, హైదరాబాద్’ చిరునామాకు పంపించాలి.

చివరి తేది: నవంబర్ 30